جيىنعا دەنساۋلىق ساقتاۋ ءمينيسترى ە.ءبىرتانوۆ, الماتى اكىمىنىڭ ورىنباسارى ە.باباقۇماروۆ, پارلامەنتى ءماجىلىسىنىڭ دەپۋتاتى ز.امانجولوۆا, سونداي-اق دەنساۋلىق ساقتاۋ سالاسىنىڭ ساراپشىلارى, قوعامدىق پىكىر كوشباسشىلارى جانە باق وكىلدەرى قاتىسۋدا. تالقىلاۋ بارىسىندا «ۆاكتسينولوگيا» قب جەتەكشىسى ايناگۇل قۋاتباەۆا مىندەتتى ۆاكتسيناتسيالاۋدىڭ ماڭىزدىلىعىن اتاپ ءوتتى. ول ءۇشىن قازاقستاندا ساپالى ۆاكتسينالار بار ەكەندىگىن العا تارتتى.
ءوز كەزەگىندە «HelpToday» قوعامدىق قورىنىڭ باسشىسى ەلميرا اليەۆا بالالاردىڭ ۆاكتسيناتسيادان ادەيى باس تارتقان اتا-انا بالالارىنان اۋرۋ جۇقتىرعانى تۋرالى حابارلادى. «جامان ءۇردىس ءجۇرىپ جاتىر (ەسكەر. - ۆاكتسيناتسيادان باس تارتۋ). ءار بالانىڭ ءومىر سۇرۋگە قۇقىعى بار ەكەنىن ءتۇسىنۋ وتە ماڭىزدى. بۇل جاعدايدا ۆاكتسيناتسيا مەملەكەتتىڭ مىندەتى بولىپ تابىلادى», – دەدى ە.اليەۆا جانە «دوڭگەلەك ۇستەل قاتىسۋشىلارىن» مىندەتتى ۆاكتسيناتسيالاۋ تۋرالى باستامانى قولداۋعا شاقىردى.
قدەنساۋلىق ساقتاۋ ءمينيسترى ەلجان ءبىرتانوۆ ۆاكتسينالاردىڭ ساپاسىن ارتتىرۋ جانە ۆاكتسيناتسيا كەزىندە بارلىق قاۋىپسىزدىك نورمالارىن ساقتاۋدى قامتاماسىز ەتۋ بويىنشا كەشەندى شارالار قابىلدانعانىن اتاپ ءوتتى.
ايتا كەتۋ كەرەك, «حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى» كودەكس جوباسىندا ءماجبۇرلى ۆاكتسيناتسيا ەنگىزۋ جوسپارلانىپ وتىر.
جوبانىڭ قولدانىستاعى كودەكستەن ايىرماشىلىعى مۇندا پروفيلاكتيكالىق ەگۋلەردى الۋ مىندەتى بەلگىلەنگەن.
بۇدان باسقا, ۇكىمەت بەكىتكەن تىزبە بويىنشا اتا-انالاردىڭ باس تارتۋى سەبەبىنەن جوسپارلى پروفيلاكتيكالىق ەكپەلەردى الماعان مەديتسينالىق قارسى كورسەتىمدەرسىز بالالاردى مەكتەپكە دەيىنگى بالالار ۇيىمدارىنا جىبەرۋگە شەكتەۋ كوزدەلەدى.
بۇل نورما ازاماتتاردىڭ دەنساۋلىعىن ساقتاۋعا قۇقىق بەرۋ جونىندەگى كونستيتۋتسيانىڭ 29-بابىندا بەلگىلەنگەن مەملەكەتتىڭ كەپىلدىكتەرىن قامتاماسىز ەتۋگە باعىتتالعان.
سونداي-اق بۇل نورما ءوزىنىڭ دەنساۋلىق جاعدايىنا بايلانىستى ەكپەلەر الا المايتىن بالالاردىڭ مۇددەلەرى مەن دەنساۋلىعىن قورعاۋدى كوزدەيدى.
پروفيلاكتيكالىق ەگۋلەر-جۇقپالى اۋرۋلاردى قابىلدامايتىن يممۋنوپروفيلاكتيكا ءۇشىن ادام اعزاسىنا يممۋندىق-بيولوگيالىق دارىلىك پرەپاراتتاردى ەنگىزۋ. جوسپارلى پروفيلاكتيكالىق ەگۋگە - پروفيلاكتيكالىق ەگۋلەر جۇرگىزىلەتىن اۋرۋلار تىزبەسىنە سايكەس جاسقا تولعان مەديتسينالىق قارسى كورسەتكىشتەرى جوق ادامدار جاتادى.
بۇل رەتتە جوسپارلى پروفيلاكتيكالىق ەگۋدى الماعان بالالاردى مەكتەپكە دەيىنگى بالالار مەكەمەلەرىنە جىبەرۋ مەكتەپكە دەيىنگى بالالار مەكەمەسىندە ۇجىمدىق يممۋنيتەتتىڭ شەكتى دەڭگەيىنە جەتكەن كەزدە عانا جۇزەگە اسىرىلادى. ۇجىمدىق يممۋنيتەت-ۆاكتسينالارمەن ەسكەرتىلەتىن ينفەكتسيالارعا قارسى حالىقتى جوسپارلى پروفيلاكتيكالىق ەگۋمەن قامتۋدىڭ شەكتى دەڭگەيىنە قول جەتكىزۋ ەسەبىنەن ەگىلمەگەن ادامداردى جاناما قورعاۋ.
الماتى
