الماتىلىقتار مەن قالا قوناقتارى ءتۇرلى بەينەلەۋ ونەرىنىڭ ءبىر ارنادا توعىسقان الاڭىندا نازىك جاندىلار سالعان سۋرەتتەردى تاماشالادى. الماتى قالاسى «رۋحاني جاڭعىرۋ» كەڭسەسىنىڭ مالىمەتتەرى بويىنشا, ارۋلاردى قوعامدىق ومىرگە ەتەنە ارالاستىرۋدى ماقسات ەتكەن شاراعا وتانداستارىمىزدان بولەك وزبەكستان, تۇركىمەنستان, تاجىكستان, اۆستراليا, گەرمانيا, كانادا جانە اقش ەلىنىڭ دە كاسىبي سۋرەتشىلەرىنىڭ جۇمىستارى قويىلدى. تۋىندىلاردا اۆتورلاردىڭ جۇرەك جىلۋى مەن ونەرگە دەگەن ماحابباتى, ادام مەن تابيعات اراسىنداعى بايلانىس, ءومىردىڭ وزەكتى ماسەلەلەرى كوركەم بەينەلەنەدى.
كورمەگە قويىلعان تۋىندىلار بۇرىن-سوڭدى ەش جەردە كورسەتىلمەگەن. ءار سۋرەتشى كوركەمونەر مانەرىن, يننوۆاتسيالىق ادىستەرىن, كرەاتيۆتى وي-تۇجىرىمىن تۇسىنىكتى تىلدە پاش ەتۋگە تىرىستى. ۇلى ونەردە شەكتەۋ دە, شەكارا دا جوق. كورمەگە قويىلعان ەڭبەكتەر دايەكتىلىگىمەن, بوياماسىز تابيعيلىعىمەن قۇندى. نازىك جاندىلار بەينەلەنگەن كارتينالاردان ىشكى جىلىلىقتى, تەرەڭ ليريكالىق قۇرىلىمدى سەزىنۋگە بولادى, دەيدى ۇيىمداستىرۋشىلار.
الماتى
