كەڭەسكە «قازاقستان قۇس وسىرۋشىلەر وداعىنىڭ» پرەزيدەنتى رۋسلان ءشارىپوۆ, قازاقستاننىڭ ءىرى قۇس شارۋاشىلىعى كاسىپورىندارىنىڭ: «شىمكەنت قۇس» جشس, «فيرما الەكري», «ورداباسى قۇس», «ەسىل قۇس فابريكاسى», «سارى-بۇلاق», «الساد كازاحستانا», «ادەل قۇس», «الەل اگرو» اق, سونداي-اق «قازاگرو» ۇبح» اق, «اگرارلىق نەسيە كورپوراتسياسى» جانە «ازىق-ت ۇلىك كورپوراتسياسى» باسشىلارى مەن قۇرىلتايشىلارى قاتىستى.
كاسىپكەرلەر مەن قازاقستان رەسپۋبليكاسىنىڭ اشم وكىلدەرى سالاداعى وزەكتى ماسەلەلەردى جانە ولاردى شەشۋ جولدارىن تالقىلادى. اتاپ ايتقاندا, جۇمىرتقا وندىرۋشىلەر ءۇشىن تاۋارلىق-ەرەكشە سۋبسيديانى قىسقارتۋ ماسەلەسى قوزعالدى.
اۋىل شارۋاشىلىعى ءمينيسترى قۇس شارۋاشىلىعى اوك باسىم سالالارىنىڭ ءبىرى بولىپ تابىلاتىنىن جانە ونىڭ الەۋەتىنەن ازىق-ت ۇلىك قاۋىپسىزدىگى, تاماق ونەركاسىبى كاسىپورىندارىنىڭ دامۋ دەڭگەيى مەن قارقىنى بايلانىستى ەكەنىن اتاپ ءوتتى.
«سوڭعى جىلدارى بىرقاتار مەملەكەتتىك باعدارلامالاردى جۇزەگە اسىرۋدىڭ, سونداي-اق مەملەكەت باسشىسى تاراپىنان جاسالعان قولداۋدىڭ ناتيجەسىندە سالادا تۇراقتاندىرۋعا قول جەتكىزىلدى جانە قۇس شارۋاشىلىعى ونىمدەرىن ءوندىرۋ كولەمىن ءوسىرۋدىڭ تۇراقتى باعىتى بەلگىلەندى. سونداي-اق وسى سالاعا قازاقستان رەسپۋبليكاسىنىڭ 2017-2021 جىلدارعا ارنالعان اوك دامىتۋ مەملەكەتتىك باعدارلاماسىنا دا كوپ كوڭىل ءبولىندى», دەپ اتاپ ءوتتى مينيستر.
سونىمەن قاتار ساپارحان وماروۆ اۋىل شارۋاشىلىعى مينيسترلىگى سالانى دامىتۋ بويىنشا «قازاقستان قۇس وسىرۋشىلەر وداعىمەن» مەملەكەتتىك قولداۋ تەتىكتەرىن ودان ءارى جەتىلدىرۋگە جانە سالانىڭ تيىمدىلىگىن ارتتىرۋ بويىنشا بىرلەسىپ جۇمىس ىستەۋگە دايىن ەكەنىن مالىمدەدى.
«قۇس شارۋاشىلىعى كاسىپورىندارىنىڭ باسشىلارى وندىرىستىك-شارۋاشىلىق قىزمەتىن دامىتۋدىڭ جاڭاشا جولدارىن ىزدەستىرۋ كەرەك. قازىرگى ۋاقىتتا قۇس شارۋاشىلىعى ونىمدەرىن ءوندىرۋدى ارتتىرۋ ءۇشىن الەۋەت جەتەرلىك», دەپ اتاپ ءوتتى قازاقستان رەسپۋبليكاسىنىڭ اشم ءمينيسترى.
سونداي-اق كەزدەسۋدە سالا باسشىسى جۇمىرتقا وندىرۋشىلەرى ءۇشىن تاۋارلىق-ەرەكشە سۋبسيديا 10 جىل بويى بەرىلگەنىن جانە ونى 2020 جىلعى 1 قاڭتاردان باستاپ قىسقارتۋ جوسپارلانعانىن ايتتى. دەسەكتە, اۋىل شارۋاشىلىعى مينيسترلىگى وسى سۋبسيديانى مەملەكەتتىڭ يمپورتقا تاۋەلدىلىكتى تومەندەتۋ جانە ەت قۇس شارۋاشىلىعىن دامىتۋعا باعىتتالعان تۇرىنە اۋىستىرۋ بويىنشا سالا ماماندارىنىڭ ۇسىنىستارىن قاراۋعا دايىن ەكەندىگىن ايتتى.
ەسكە سالساق, اۋىل شارۋاشىلىعى ءمينيسترى ساپارحان وماروۆ اگروونەركاسىپتىك كەشەن مەن تاماق ونەركاسىبىن دامىتۋ ماسەلەلەرى بويىنشا كەزدەسۋدەن كەيىن وسى سالاداعى پروبلەمالىق ماسەلەلەردى انىقتاپ ءارى تولىق زەردەلەۋ ماقساتىندا ءار اپتا سايىن سالالىق قاۋىمداستىقتارمەن جانە ءىرى وڭدەۋشى كاسىپورىندارمەن كەزدەسۋلەر ۇيىمداستىرۋ تۋرالى شەشىم قابىلداعان بولاتىن. كەلەلى كەزدەسۋلەر ءۇشىن ءار اپتانىڭ سەنبىسى تاڭدالدى.
وتكەن جىلى ۆەدومستۆو باسشىسى قازاقستاننىڭ استىق وڭدەۋشىلەر جانە نان پىسىرۋشىلەر وداعىنىڭ, قوي شارۋاشىلىعى بويىنشا رەسپۋبليكالىق پالاتانىڭ, كرەديتتىك سەرىكتەستىكتەر قاۋىمداستىعىنىڭ, قازاقستاننىڭ قانت, تاماق جانە قايتا وڭدەۋ ونەركاسىبى قاۋىمداستىعىنىڭ, قازاقستاننىڭ كارتوپ جانە كوكونىس وسىرۋشىلەر وداعىنىڭ مۇشەلەرىمەن كەزدەستى. ءاربىر كەزدەسۋدىڭ قورىتىندىسى بويىنشا كوتەرىلگەن ماسەلەلەردى شەشۋ ءۇشىن ناقتى جۇيەلى شارالار جاسالدى.
