ايتۋلى جارىستا قازاقستاننىڭ قوس بىلعارى قولعاپ شەبەرى ونەر كورسەتەدى. ەكىنشى جارتىلاي جەڭىل سالماق دارەجەسىندەگى نۇرتاس اجبەنوۆ فيليپپيندىك دجەي-ار ماگبۋمەن كۇش سىناسادى. نۇرتاس وسىعان دەيىنگى ءوزىنىڭ سەگىز جەكپە-جەگىن دە جەڭىسپەن اياقتاپ, ءۇش قارسىلاسىن ەسىنەن تاندىردى.
ال فيليپپين ەلىنىڭ وكىلى 24 رەت رينگكە كوتەرىلىپ, 18 مارتە مەرەيى ۇستەم بولدى. 4 رەت ۇتىلىپ, تاعى ەكى كەزدەسۋدە تەڭ ەسەپ تىركەلدى. بۇل سەگىز راۋندتىق باسەكە بولماق.
اسا اۋىر سالماقتا جان كوسوبۋتسكي شارشى الاڭعا شىعادى. 12 كەزدەسۋىنىڭ بارلىعىن جەڭىسپەن اياقتاپ, 11 قارسىلاسىن نوكاۋتپەن ۇتقان جەرلەسىمىزدىڭ قارسىلاسى ءالى انىقتالعان جوق.
