«ەلباسى نۇرسۇلتان نازارباەۆتىڭ تاپسىرماسىنا سايكەس ءبىز 2019 بەن 2022 جىل ارالىعىندا 100 سپورتتىق-ساۋىقتىرۋ كەشەنىن سالۋىمىز كەرەك. وسى ماقساتتا وتكەن جىلدىڭ 25 قازانىندا مينيسترلىك قۇرىلىسى باستالاتىن نىسىنداردىڭ ءتىزىمىن جاسادى. جوسپار بويىنشا 2019 جىلى - 13, 2020 جىلى -32, 2021 جىلى - 55 كەشەن سالىنادى. اتالعان جوبا اياسىندا جىلدى قورىتىندىلاي كەلە, وڭىرلەردەگى بيۋدجەت پەن دەمەۋشىلەر قارجىسىنا تۇرعىزىلعان 13 جانە اتالعان جوسپاردان بولەك قوسىمشا 21 سپورتتىق-ساۋىقتىرۋ كەشەنى پايدالانۋعا بەرىلدى.
سونداي-اق «اۋىل – ەل بەسىگى» باعدارلاماسى اياسىندا رەسپۋبليكالىق بيۋدجەتتەن قارجى ءبولىنىپ, وتكەن جىلى باستالعان 10 سسك-ءنىڭ قۇرىلىسى ءجۇرىپ جاتىر. ەندى ول بيىل اياقتالادى. سونىمەن قاتار 2020 جىلى اتالعان باعدارلاماعا ساي رەسپۋبليكالىق بيۋدجەتتەن 10, ايماقتىڭ جانە دەمەۋشىلەر ەسەبىنەن 12 سپورتتىق-ساۋىقتىرۋ كەشەنىنە جوندەۋ جۇرگىزىلىپ, تاعى 10-ى سالىنادى. 2021 جىلى «اۋىل - ەل بەسىگى» باعدارلاماسىنا ءۇش, ايماقتىق بيۋدجەتتەن 16, وزگە دە قارجىلاندىرۋ ارقىلى 36 سسك كىرگىزەتىن بولامىز»,-دەدى مينيستر.
