مەديتسينا • 24 اقپان، 2020

كارديولوگ-دارىگەرلەر پروفەسسور دەنيس اندرەەۆتىڭ شەبەرلىك دارىسىنە قاتىستى

27 رەتكورسەتىلدى

ەلىمىزدىڭ ءار ايماعىنداعى كارديولوگ-دارىگەرلەر رەسەيدەگى ي.سەچەنوۆ اتىنداعى ءبىرىنشى ماسكەۋ مەملەكەتتىك مەديتسينالىق ۋنيۆەرسيتەتىنىڭ پروفەسسورى دەنيس اندرەەۆتىڭ شەبەرلىك دارىسىنە قاتىسۋ ءۇشىن الماتىعا جينالدى.

الماتىدا كارديولوگيا جانە ىشكى اۋرۋلار عزي باستاماسىمەن جانە ديسكۋسسيالىق كلۋب شەڭبەرىندە پروفەسسور دەنيس اندرەەۆتىڭ قاتىسۋىمەن سوزىلمالى جۇرەك-قانتامىر اۋرۋلارى بار پاتسيەنتتەردە جۇرەك-قانتامىرى قايعىلى جاعدايلارىن ازايتۋ جونىندەگى شەبەرلىك كلاسى ءوتتى.

شەبەرلىك ءدارىسى كەزىندە «جۇرەكشە فيبريللياتسياسى بار پاتسيەنتتەردەگى ينسۋلت پەن تامىر ەمبولياسى پروفيلاكتيكاسىنىڭ پراكتيكالىق اسپەكتىلەرى»، «سوزىلمالى جۇرەك-قانتامىر اۋرۋلارى بار پاتسيەنتتەردە جۇرەك-قانتامىر قاۋپىن  قالاي ازايتۋعا بولادى» تاقىرىپتارى تالقىلاندى.

ينستيتۋتتىڭ جەتەكشى عىلىمي قىزمەتكەرى، كارديولوگيا كافەدراسىنىڭ دوتسەنتى كۇلزيدا قوشىمباەۆا اتاپ وتكەندەي، جۇرەك-قانتامىر اۋرۋلارى جىلىنا شامامەن 17 ملن ءولىم-جىتىمگە سەبەبى بولىپ وتىر. بۇل بارلىق قايعىلى جاعدايدىڭ شامامەن ۇشتەن ءبىر بولىگىن قۇرايدى. ولاردىڭ ىشىندە جۇرەكتىڭ يشەميالىق اۋرۋى جانە تسەرەبروۆاسكۋليارلىق اۋرۋلار جەتەكشى ورىندا. ولاردىڭ ۇلەسىنە جقا بولاتىن بارلىق ءولىمنىڭ شامامەن 85 پايىزى تيەسىلى. سوڭعى 15 جىلدا وسى دەرتتەر دۇنيەجۇزىندە، ونىڭ ىشىندە قازاقستانداعى ءولىم-ءجىتىمنىڭ باستى سەبەپكەرىنە اينالدى.

شەبەرلىك كلاسس شەڭبەرىندە پراكتيكالىق دەنساۋلىق ساقتاۋ ماماندارى: الماتى قالاسى مەن وڭتۇستىك ايماقتاردىڭ مەديتسينالىق ۇيىمدارىنىڭ كارديولوگتارى، تەراپەۆتەرى جانە جالپى پراكتيكا دارىگەرلەرى كلينيكالىق زەرتتەۋلەردىڭ جاڭا جەتىستىكتەرى مەن ناتيجەلەرى، جۇرەكشە فيبريللياتسيا جانە مۋلتيفوكالدىق اتەروسكلەروزى بار پاتسيەنتتەردى ەمدەۋدىڭ باعدارلامالارى تۋرالى اقپارات الدى.

ديسكۋسسيالىق كلۋبقا قاتىسۋشىلار رەسەيلىك جانە قازاقستاندىق جەتەكشى عالىمدارمەن بىرلەسىپ، جۇرەكشە فيبريللياتسياسى جانە ارتەريالاردىڭ مۋلتيفوكالدىق اتەروسكلەروتيكالىق زاقىمدانۋى بار كوموربيدتى پاتسيەنتتەردى ەمدەپ، قاراۋدى وڭتايلاندىرۋداعى كۇردەلى كلينيكالىق جاعدايلاردى تالدادى.

وسى ساناتتاعى ناۋقاستاردىڭ ءومىر ءسۇرۋ بولجامىن جاقسارتۋعا مۇمكىندىك بەرەتىن تەراپيانىڭ جاڭا تاسىلدەرى ۇسىنىلدى.

تاجىريبە الماسۋعا كەلگەن دارىگەرلەر پىكىرتالاستا وزدەرىن قىزىقتىراتىن بارلىق سۇراقتارعا جاۋاپ الدى.

وسىنداي شەبەرلىك كلاستاردى وتكىزۋ – پاتسيەنتتەرگە كورسەتىلەتىن مەديتسينالىق كومەكتىڭ ساپاسىن ارتتىرۋعا، رەسپۋبليكادا الدىڭعى قاتاردى مەديتسينالىق تەحنيكالار مەن يننوۆاتسيالاردى دامىتۋعا جانە قولدانۋعا مۇمكىندىك بەرەدى.

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار