قاناتقاقتى جوبانى ىسكە قوسۋ ءۇشىن الماتى قالاسى دەنساۋلىق ساقتاۋ باسقارماسى بىرنەشە ەمحانا تاڭداپ الدى. وسى باستاماعا وراي, قازوجرعزي-دا ەمحانا باسشىلارىمەن كەزدەسۋ وتكىزىلىپ, زەرتتەۋ جۇرگىزۋدىڭ تەحنيكالىق ماسەلەلەرى تالقىلاندى. پيلوتتىق زەرتتەۋدى قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ تاپسىرماسىمەن الماتىداعى قازاق ونكولوگيا جانە راديولوگيا عزي جۇرگىزەدى. بۇل باستاما سكرينينگتە جاڭا تەحنولوگيالاردى قولدانۋدىڭ كلينيكالىق ارتىقشىلىقتارىن تالداۋدى كوزدەيدى.
جوبا اياسىندا اقش-تا, كانادادا, اۆستراليادا, شۆەتسيادا, دانيادا, گەرمانيادا, كورەيادا جانە باسقا ەلدەردە كرو سكرينينگىندە قولدانىلاتىن EikenChemicalCo.:Ltd. ءوندىرىسىنىڭ 10 مىڭ ساندىق اۆتوماتتاندىرىلعان يممۋنوحيميالىق گەموكۋلت-تەستى سىناقتان وتەدى.
كولورەكتالدى وبىر (كرو) ونكولوگيالىق اۋرۋلار قۇرىلىمىندا الەمدە بويىنشا كوش باستاپ تۇر جانە ءوسۋ ءۇردىسى بار.
قازاقستاندا سوڭعى بىرنەشە جىلدا كرو اۋرۋشاڭدىعىنىڭ ۇدايى ءوسۋى بايقالادى: 2004-2010 جىلدارى ورتاشا جىلدىق ستاندارتتالعان ناۋقاستانۋ 100 مىڭ تۇرعىنعا شاققاندا 16,7 جاعدايدى, 2011-2018 جىلدارى 100 مىڭ تۇرعىنعا شاققاندا 18,7 جاعدايدى قۇرادى.
كولورەكتالدى وبىر 2012 جىلدان بەرى قازاقستان رەسپۋبليكاسىنىڭ حالقىنىڭ ونكوپاتولوگيا قۇرىلىمىندا 3 ورىندا تۇر. 2018 جىلى قازاقستاندا 3218 باستاپقى كرو اۋرۋى انىقتالىپ, ونىڭ 1450 جاعدايى ءولىم-جىتىممەن اياقتالدى.
قازاقستان ددۇ جانە كولورەكتالدىق سكرينينگ ساپاسىن قامتاماسىز ەتۋ جونىندەگى ەۋروپالىق باسشىلىقتىڭ ۇسىنىمدارىن ەسكەرە وتىرىپ, 2011 جىلى كرو سكرينينگ باعدارلاماسىن ەنگىزگەن. 2013 جىلدان باستاپ ناجىستەگى جاسىرىن قاندى ساپالى انىقتاي الاتىن يممۋنوحيميالىق (يممۋنوفليۋورەستسەنتتى) تەست قولدانىلادى.
گەموكۋلت-تەستىنىڭ وڭ ناتيجەسى بار پاتسيەنتتەر قان كەتۋ كوزىنىڭ تابيعاتىن انىقتاۋ ءۇشىن جاپپاي كولونوسكوپياعا جىبەرىلەدى.
ياعني, تەست ناتيجەسى وڭ ء(ناجىس ۇلگىسىندە گەموگلوبين دەڭگەيى بار) نەمەسە تەرىس دەپ باعالانادى.
