ساياسات • 24 اقپان، 2020

قوعام مۇددەسىن ويلاعان قۇجات

35 رەت كورسەتىلدى

ەل پرەزيدەنتى قاسىم-جومارت توقاەۆ ءوز جولداۋىندا ميتينگ وتكىزۋ تۋرالى زاڭدى جەتىلدىرۋدى مىندەتتەگەن بولاتىن. پرەزيدەنت كونستيتۋتسياعا سايكەس ەلدىڭ ءوز پىكىرىن ەركىن بىلدىرۋگە جانە ءتارتىپ بۇزىپ ەلدىڭ مازاسىن الماسا، ونداي شەرۋلەردى وتكىزۋگە رۇقسات بەرۋ قاجەتتى تۋرالى ايتقان ەدى.

وبلىس ورتالىعىنداعى دوستىق ۇيىندە ميتينگ وتكىزۋگە بايلانىس­تى جاڭا زاڭدى تالقىلاعان كەلەلى كەڭەس وتكىزىلدى. قوعام بەلسەندىلەرى، زاڭ­گەرلەر، ۇكىمەتتىك ەمەس ۇيىم­دار­دىڭ، ساياسي پارتيالاردىڭ، بۇقارا­لىق اقپارات قۇرالدارىنىڭ وكىلدەرى قاتىسقان باسقوسۋدا الدىمەن اقپارات جانە قوعامدىق دامۋ مينيسترلىگىنىڭ جاۋاپتى حاتشىسى جانات قوجاحمەتوۆ دايىندالىپ جاتقان جاڭا زاڭ جوبا­سىنىڭ ەرەكشەلىكتەرى تۋرالى بۇگە-شەگەسىنە دەيىن ەكشەپ ايتىپ بەردى.

– قازىرگى قولدانىستاعى زاڭ 1995 جىلى قابىلدانعان بولاتىن، – دەدى جانات مۇرات ۇلى. ۋاقىت ءبىر ورنىندا تۇرمايدى. قوعام العا دامىعان سايىن وزگەرىستەر دە ورىن الىپ جاتادى. كەسىپ ايتقاندا بۇرىنعى زاڭ بۇگىنگى كۇننىڭ تالابىنا تولىق جاۋاپ بەرە المايدى. سوندىقتان كەلىسە وتىرىپ جاڭا زاڭنىڭ جوباسىن اقىل تارازىسىنا سالىپ، ەكشەگەن ءلازىم.

ادەتتە ميتينگ دەگەندە كوزالدى­ڭىزعا داۋ-دامايعا تولى جيىن ەلەس­تەر ەدى. وسىنداي پىكىر قالىپتاسقان. شىنتۋايتىندا بۇل جيىن ەل ىشىندە قوردالانىپ قالعان ماسەلەلەرگە بيلىكتىڭ نازارىن اۋدارىپ، ەلگە شاراپاتى تيەتىن شارۋانى تالاپ ەتۋ. ەگەر ءسىز ميتينگ وتكىزگىڭىز كەلسە جەرگىلىكتى بيلىك ورگاندارىنا بەيبىت شەرۋ تۋرالى تولىققاندى اقپارات بەرىپ ءوتى­نىش جازۋعا ءتيىستىسىز. اكىمدىك شەشىم قابىلدايدى. ەگەر رۇقسات ەتىلگەن جەردە وزگە شارا وتكىزىلەتىن كۇنى بۇرىن جوسپارلانىپ قويىلسا، وندا ءدال سونداي جەر ۇسىنىلماق. رۇق­سات العان سوڭ نەگىزگى تاقىرىپتان اۋىت­­قىماي ءتار­تىپتى ساقتاۋ تالاپ ەتەدى. جەر­گىلىكتى بي­لىك ناقتى سەبەپتەر­مەن ميتينگ وت­كىزۋگە تىيىم سالۋى دا مۇمكىن.

جاڭا زاڭ جوباسى ازاماتتار تارا­پىنان ۇلكەن قىزىعۋشىلىق تۋعىز­دى. ماسەلەن، كوكشەتاۋ قالاسى­نىڭ قۇرمەتتى ازاماتى بولات ءجانادىلوۆ زاڭدا ءار شارانىڭ ءمانى، اتاۋى ناق­تى اتالۋى كەرەك دەدى. بولات سۇلەي­مەن­ ۇلىنىڭ پايىمداۋىنشا نەگىزى جاڭا زاڭ جوباسى ەلدىڭ كوكەيىندە جۇرگەن ماسەلەلەردى تاپ با­سىپ ءبىلۋ ءۇشىن ءتيىمدى. بۇرىنعى زاڭ­دا بولعان كوپتەگەن شەك­تەۋ­لەردىڭ الى­نىپ تاستالعان قوعام­دا دەمو­كراتيالىق ۇردىستەردى دا­مىتۋعا باعىت­تالعان ايقىن قادام دەپ ايت­ساق ارتىق بولماس ەدى دەگەن پىكىر بىل­دىرسە، ەڭبەك ارداگەرى قابيبوللا عا­زەزوۆ جاڭا زاڭ جوباسىنداعى كەيبىر ماسە­لەلەرگە توقتالدى. ونىڭ ويىنشا بۇقارالىق اقپارات قۇرالدارىنىڭ وكىل­­دەرى تۋرالى باپتىڭ قاجەتى جوق. ويت­كەنى بۇقارالىق اقپارات قۇرال­دارى وكىلدەرىنىڭ ءوز زاڭى بار. سول زاڭعا سايكەس جۇمىس ىستەۋلەرى كەرەك. سون­دىقتان ولارعا قويىلاتىن تالاپ پەن مىندەتتى ەكى زاڭدا قابات قامتۋدىڭ قاجەتى جوق.

جاڭا زاڭ جوباسىندا ۇيىم­داس­تىرۋ­شىلاردىڭ، قاتىسۋشىلاردىڭ قۇ­قىعى مەن مىندەتتەرى ايقىن كور­سە­تىلگەن. سونداي-اق مەملەكەتتىك ور­­گان­داردىڭ وكىلەتتىگى دە ايقىن جازىل­­عان. زاڭعا سايكەس ميتينگ وتكىزۋدىڭ مەحانيزمى ناقتى كورسەتىلگەن.

قابيبوللا عازەزوۆ نەگىزىنەن جاڭا زاڭ جوباسى حا­لىق­قا جاقىن، ەلدىڭ مۇددەسىن قور­عاي­تىن قۇجات ەكەندىگىنە باسا توق­تال­ىپ، ميتينگكە قاتىسۋشى ادامداردىڭ قالتا­لارىنا سۋىق قارۋ سالىپ جۇرمەۋى كەرەكتىگىن،  اركىم مۇن­داي تارتىپسىزدىككە كەز كەلگەن ۋا­قىتتا جول بەرمەۋى تيىستىگىن ايتتى.

جيىنعا قاتىسقان ازاماتتاردىڭ پىكىرى نەگىزىنەن جاڭا زاڭ جوباسى حالىق پەن بيلىك اراسىنداعى التىن كوپىر بولادى دەگەن تۇجىرىمعا توقتادى.

 

كوكشەتاۋ

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار