تانىم • 24 اقپان، 2020

وتكەن عاسىر ورنەگى

17 رەتكورسەتىلدى

ۇلتتىق مۋزەيدە «سۋرەتشىلەر مەن تسەلينوگراد. تىرشىلىك پەن قالا» اتتى كورمە اشىلدى. ءىس-شارا قالانىڭ ايرىقشا مادەني ەستەلىك ورنى ءھام تىڭ ولكەسىندەگى كاسىبي ونەرگە ۇلەس قوسقان تۇلعالارعا قۇرمەت رەتىندە تسەلينوگراد قالاسى سۋرەتشىلەر وداعى مۇشەلەرىنىڭ (1961-1997 جج.) شىعارماشىلىعىنا ارنالعان.

كورمەنىڭ اشىلۋ راسىمىندە ۇلتتىق مۋزەي ديرەكتورىنىڭ ورىنباسارى اباي ساتىبالدين ەلوردانىڭ قالىپتاسۋى مەن رۋحاني دامۋ تاريحىنا توقتالا كەلىپ، قالانىڭ كەڭەستىك ءداۋىر تۇسىنداعى ءوسىپ-وركەندەۋى قازاق­ستانداعى تىڭ جەرلەردى يگە­رۋمەن تىكەلەي بايلانىستى ەكەنىن تىلگە تيەك ەتتى.

– ءدال وسى كەزدە تسەلي­نو­­گرادقا لەنينگراد جا­نە ماس­­­كەۋ قالالارى شىعار­ما­شى­لىق جوعارى وقۋ ورىن­دا­رى­نىڭ تۇلەكتەرى جول­دا­ما­مەن كەلدى. قازاقستان سۋ­رەتشىلەر وداعىنىڭ تسەلي­نوگراد ءبولىمىن قۇرۋ تۋرالى شەشىم قابىلدانعان ءسات تە سول وقيعامەن تۇسپا-تۇس كەلەدى. مىنا كورمەدەن تسەلينوگراد سۋرەتشىلەرىنىڭ قى­زىقتى، تاريحقا باي جۇمىس­تا­رىمەن جان-جاقتى تانىسىپ، شى­عارماشىلىق ىزدەنىستەرىنە كۋا بولاسىزدار، – دەدى ا.ساتى­بال­دين.

ەكسپوزيتسياعا 200-دەن استام تۋىندى ۇسىنىلدى، ولار­­دىڭ اراسىندا تسەلي­نو­گراد سۋرەتشىلەر وداعى نە­گى­زىن قالاۋشىلار مەن ولار­دىڭ شاكىرتتەرىنىڭ جار­­تى عاسىر ىشىندەگى ەڭ­بەك­تە­رى، اتاپ ايتقاندا، ۋاقىت بە­­دە­رىن بەي­نەلەيتىن ءتۇرلى تا­­قى­رىپتاعى كوركەم، گرا­في­كالىق، ساندىك-قولدانبالى جانە ءمۇسىن تۋىندىلارى بار. كورمەگە كە­لۋشىلەر نۇر-سۇل­تان قالاسى مەملەكەتتىك قالالىق مۇراعات ۇسىنعان تا­­ريحي قۇجاتتارمەن تانى­سىپ، سونداي-اق مۋزەي قور­لارىنان، جەكە ادامدار كوللەكتسيالارىنان، fading.tسe پاب­ليك-قاۋىمداستىعىنىڭ قا­تى­سۋىمەن جيناقتالعان 60-80-جىلدارعى تۇرمىستىق زات­تاردى تاماشالادى.

كورمەنىڭ اشىلۋىنا سۋ­رەتشى ميحايل انتونيۋكتىڭ قىزى فەيگان-انتونيۋك وكسانا حانىم قاتىستى. «سۋرەتشىلەر دە مۋزىكانتتار مەن اقىندار سياقتى حالىق. ونەر جاي ادام­عا قونبايدى. بىراق قۇدايدىڭ بەرگەن بۇل سىيىن ءارى قاراي تەرەڭ مەڭگەرىپ، ونەردىڭ بيىك شىڭىنا قول جەتكىزۋ ادامنىڭ ءوزىنىڭ تىنىمسىز ەڭبەگىنە بايلانىستى. مۇنداي قيىن جولدان قايسار، ەڭبەكقور ادامدار عانا وتە الادى. ونداي جان­­دار قاي كەزدە دە ۇلكەن قۇر­­مەتكە لايىق. الايدا وكى­نىشكە قاراي، كەيدە رۋحانيات ەكىنشى پلانعا ىسىرىلىپ قالىپ قويىپ جاتادى. سونداي ساتتە سۋرەتشى ەڭبەگىنە ءمان بەرىپ، قولداۋ بىلدىرەتىن مۋ­زەيلەردىڭ ەڭبەگىن ايرىقشا اتاپ وتكىم كەلەدى. ويتكەنى ولار­سىز ءبىز وتكەنىمىزدى تانىپ-ءبىلىپ، كەلەشەگىمىزدى بولجاي الماي­مىز»، دەدى ول. كورمە وسى جىل­دىڭ ناۋرىز ايىنىڭ اياعىنا دەيىن جالعاسادى دەپ كۇتىلۋدە.

 

قارشىعا كۇلەن

 

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار