تەننيس • 24 اقپان، 2020

ءۇشىنشى رەت فينالدا جەڭىلدى

12 رەتكورسەتىلدى

تەننيستەن قازاقستاننىڭ ءبىرىنشى راكەتكاسى ەلەنا رىباكينا دۋبايدا وتكەن WTA Dubai Duty Free ءتۋرنيرىنىڭ في­نالىنا دەيىن جەتىپ، باس جۇلدە ءۇشىن وت­كەن باسەكەدە جەڭىلىپ قالدى.

جەرلەسىمىز دۋبايداعى جارىستى وتە ءساتتى باستاپ، تەك كىل مىقتىلارمەن شەبەرلىك سىناس­تى. اتاپ ايتار بولساق، ءتۋرنيردىڭ العاشقى اينالىمىندا جۋىردا عانا «ۇلكەن دۋلىعا» ساناتىنداعى Australian Open باسەكەسىندە جەڭىمپاز اتانعان اقش وكىلى سوفيا كەنيندى قاپى قالدىرسا، شيرەك فينالدا الەمنىڭ ءۇشىنشى راكەتكاسى چەحيالىق كارولينا پليشكوۆانى ەكى سەتتە 7:6، 6:3 ەسەبىمەن تىزە بۇكتىردى. جارتىلاي فينالدا الەمنىڭ 15-را­كەتكاسى حورۆاتيالىق پەترۋ مارتيچ رىبا­كينانىڭ قارقىنىنا توتەپ بەرە المادى. 

بۇل جارىستا وتانداسىمىزدى تەك جارىس­تىڭ ءبىرىنشى، الەمدىك رەيتينگتە ەكىنشى ورىندا تۇرعان رۋمىنيالىق سيمونا حالەپ قانا توقتاتا الدى. باس جۇلدە ءۇشىن وتكەن جارىستا حالەپ ەكى سەتتە 6:3، 7:5 ەسەبىمەن جەڭىسكە جەتتى. بۇل ەلەنا رىباكينانىڭ جىل باسىنان بەرگى ءتور­تىنشى فينالى. وكىنىشكە قاراي، تەك بىرەۋىندە عانا جەڭىسكە جەتكەن قانداسىمىز وسىمەن ءۇشىنشى فينالىندا جەڭىلىس تاپتى. ايتسە دە، رىبا­كينا بۇل جەتىستىگىنىڭ ارقاسىندا الەمدىك رەيتينگتە 17-ورىنعا كوتەرىلىپ، ەلىمىزدىڭ تەننيس تاريحىنداعى رەكوردىن جاڭارتتى.

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار