قازاقستان • 23 اقپان، 2020

قازاقستان بايقوڭىر عارىش ايلاعىنداعى قالدىقتاردى جويۋعا 20 ملرد تەڭگە ءبولۋدى جوسپارلاعان جوق - مينيسترلىك

38 رەتكورسەتىلدى

كەشە قازاقستاندىق باسىلىمداردا  «بايقوڭىر عارىش ايلاعىندا جينالىپ قالعان ۋلى جانە رادياكتيۆتى قالدىقتاردى جويۋ قازاقستان ەسەبىنەن جۇرگىزىلەتىن بولدى» دەگەن حابار تاراعان بولاتىن. وعان الەۋمەتتىك جەلىدە ءبىر ازاماتتىڭ وسىنداي اقپاراتتى تاراتقانى سەبەپ بولىپتى.

بۇگىن قازاقستان رەسپۋبليكاسىنىڭ تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگى قازاقستان رەسەيگە بايقوڭىر عارىش ايلاعىنداعى ۋلى جانە راديواكتيۆتى قالدىقتاردى كومگەنى ءۇشىن 20 ميلليارد تەڭگە تولەيدى دەگەن اقپاراتتى جوققا شىعاردى.

«جەلىدە بايقوڭىر عارىش ايلاعىنىڭ اۋماعىنداعى ۋلى جانە راديواكتيۆتى قالدىقتاردى جويۋ ءۇشىن قازاقستان رەسەيگە 20 ملرد تەڭگە تولەيتىنى تۋرالى اقپارات تاراۋدا. اتالعان فاكتىلەر شىندىققا جاناسپايدى. قازاقستان بايقوڭىر عارىش ايلاعىنداعى قالدىقتاردى جويۋعا 20 ملرد تەڭگە ءبولۋدى جوسپارلاعان جوق جانە ونى تولەمەيدى. بۇل ماسەلە بويىنشا قانداي دا ءبىر تولەمدەر تۋرالى قازاقستان مەن رەسەي اراسىندا ەشبىر شەشىمدەر مەن كەلىسىم جاسالعان ەمەس جانە تالقىلانىپ جاتقان جوق»،  دەلىنگەن مينيسترلىكتىڭ Facebook-تەگى پاراقشاسىندا. 

مينيسترلىكتىڭ حابارلاۋىنشا، عارىش ايلاعىنىڭ اۋماعىندا ورنالاسقان ەسكىرگەن عيماراتتاردى بۇزۋدان قالعان قۇرىلىس قالدىقتارى (كىرپىش كىرپىش، بەتوننان كەيىنگى بەتون) اقپاراتتىق بيۋللەتەندە كورسەتىلگەن كارەرلەرگە شىعارىلادى.

«بۇل كارەرلەردى جاساقتاۋ جۇمىستارىن تولىعىمەن رەسەيلىك تاراپ جۇرگىزدى. الدىن الا دەرەكتەر بويىنشا، وعان جالپى سوماسى 20 ملن رۋبل جۇمسالعان. جوبالار قىزىلوردا وبلىسى بويىنشا ەكولوگيا دەپارتامەنتىنىڭ وڭ قورىتىندىسىن الدى. توزىعى جەتكەن عيماراتتاردى بۇزۋ جانە پوليگونعا قۇرىلىس قالدىقتارىن جەتكىزۋ جۇمىستارىن قازاقستاندىق «ينفراكوس» كومپانياسى جۇرگىزۋدە. بارلىق عيماراتتار مەن قۇرىلىس قالدىقتارىن رادياتسيالىق قاۋىپسىزدىككە تەكسەرۋدى قازاقستاندىق جانە رەسەيلىك مامانداندىرىلعان كومپانيالار 3 رەت جۇرگىزەدى: سۇرۋگە دەيىن، اياقتالعاننان كەيىن، سونداي-اق پوليگوندا. اتالعان كارەرلەردە ۋلى جانە راديواكتيۆتى قالدىقتاردى، سونىمەن قاتار مەتالل سىنىقتارىن ورنالاستىرۋ قاراستىرىلماعان جانە ول قازاقستان رەسپۋبليكاسىنىڭ زاڭدارىنا قايشى كەلەدى»،  دەدى مينيسترلىكتەن.
بارلىق عيماراتتار مەن قۇرىلىس قالدىقتارىن قازاقستاندىق جانە رەسەيلىك مامانداندىرىلعان كومپانيالار ءۇش رەت رادياتسيالىق قاۋىپسىزدىككە تەكسەرەءتىنىن ايتقان  مينيسترلىك  كارەرلەرگە ۋلى جانە راديواكتيۆتى قالدىقتاردى، سونداي-اق مەتالل سىنىقتارىن ورنالاستىرۋ قازاقستان رەسپۋبليكاسىنىڭ زاڭناماسىنا قايشى كەلەءتىنىن دە قاپەرگە سالىپ ءوتتى. «قىزىلوردا وبلىسى بويىنشا ەكولوگيا دەپارتامەنتىنىڭ ماماندارى بايقوڭىر عارىش ايلاعىنىڭ بارلىق نىساندارىنا ۇنەمى كىرىپ وتىرادى جانە رەسەيلىك جانە قازاقستاندىق ۇيىمدارعا جوسپارلى تەكسەرۋلەر جۇرگىزەدى.   بەلسەندى ازاماتتىق ۇستانىمدارىڭىز ءۇشىن العىس بىلدىرەمىز. بىراق الداعى ۋاقىتتا تەكسەرىلگەن جانە شىنايى اقپاراتتارعا عانا سۇيەنۋدى سۇرايمىز»،  دەپ اتاپ ءوتتى قازاقستان رەسپۋبليكاسى تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگى ءباسپاسوز قىزمەتى.   

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار