ۇكىمەت • 23 اقپان، 2020

عابيت سىزدىقبەكوۆ سەربيا كووپەراتيۆتىك وداعىنىڭ پرەزيدەنتىمەن كەزدەستى

13 رەتكورسەتىلدى

قازاقستاننىڭ سەربيا رەسپۋبليكاسىنداعى ەلشىسى عابيت سىزدىقبەكوۆ سەربيا رەسپۋبليكاسى اۋىل، ورمان جانە سۋ شارۋاشىلىعى مينيسترلىگىنىڭ مەملەكەتتىك حاتشىسى داركو بوجيچ جانە سەربيا كووپەراتيۆتىك وداعىنىڭ پرەزيدەنتى نيكولاي ميحايلوۆيچپەن كەزدەستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

تاراپتار اۋىل شارۋاشىلىعى سالاسىنداعى، ونىڭ ىشىندە ەڭ جوعارى جانە جوعارى دەڭگەيدەگى بۇرىن قول جەتكىزىلگەن ۋاعدالاستىقتاردى ورىنداۋ شەڭبەرىندە، سونداي-اق ساۋدا-ەكونوميكالىق ىنتىماقتاستىق جونىندەگى ەكىجاقتى ۇكىمەتارالىق كوميسسيا وتىرىستارىنىڭ قورىتىندىلارى بويىنشا ءوزارا ءىس-قيمىلدىڭ پەرسپەكتيۆالارى مەن ىقتيمال فورماتتارىن تالقىلادى.

اتاپ ايتقاندا، تۇقىمداردىڭ جوعارى ساپالى سورتتارىن ءوندىرۋ جانە جەمىستەر مەن جيدەكتەردى سەربتىك تەحنولوگيا بويىنشا ءوسىرۋ تاجىريبەسىن زەردەلەۋ ماقساتىنداعى قازاقستاندىق سەرىكتەستەرمەن ىنتىماقتاستىقتى جولعا قويۋ ءۇشىن سەربيانىڭ جەتەكشى عىلىمي-زەرتتەۋ ينستيتۋتتارى مەن ورتالىقتارىنا ساپارلاردى ۇيىمداستىرۋ جايىندا ۋاعدالاستىققا قول جەتكىزىلدى.

اڭگىمەلەسۋ بارىسىندا قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى مەن سەربيا رەسپۋبليكاسى اۋىل، ورمان جانە سۋ شارۋاشىلىعى مينيسترلىگىنىڭ ۆەتەريناريا باسقارماسى اراسىنداعى ۆەتەريناريا سالاسىنداعى ىنتىماقتاستىق جايىندا مەموراندۋمعا قول قويۋ پەرسپەكتيۆالارى تالقىلاندى.

كەزدەسۋدىڭ اياعىندا قازاقستان ەلشىسى قازاقستان مەن سەربيانىڭ مۇددەلى ۆەدومستۆولار مەن ىسكەر توپتارى وكىلدەرىنىڭ ەكى ەلدىڭ اۋماقتارىندا ۇيىمداستىرىلاتىن جارمەڭكەلەر مەن كورمەلەرگە ءوزارا قاتىسۋىن قامتاماسىز ەتۋگە ەرەكشە نازار اۋدارۋدى ۇسىندى.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار