مۋلتيمەديا • 22 اقپان، 2020

الماتىدا كوروناۆيرۋسقا بايلانىستى باقىلاۋ كۇشەيتىلدى

62 رەتكورسەتىلدى

الماتىنىڭ باس سانيتارلىق دارىگەرى: «كوروناۆيرۋستىڭ الدىن الۋدىڭ باستى شارتى – ادام كوپ جينالاتىن جەرلەردەن اۋلاق بولۋ» دەيدى.

الماتىدا كوروناۆيرۋس ينفەكتسياسىنىڭ تارالۋىنىڭ الدىن الۋ ماقساتىندا قاۋىپتى ايماقتاردان كەلگەن بارلىق ادامدارعا كۇشەيتىلگەن باقىلاۋ جۇرگىزىلءىپ وتىر.

بۇگىندە كوروناۆيرۋستى ينفەكتسيا قىتايدان باسقا 26 ەلدە تىركەلگەن. بيىلعى اقپان ايىنان باستاپ الماتى قالاسىنىڭ اۋەجايىنا كەلەتىن بارلىق حالىقارالىق رەيستەرگە كۇشەيتىلگەن سانيتارلىق-كارانتيندىك باقىلاۋ جۇرگىزىلۋدە.

قازىرگى ۋاقىتتا كوروناۆيرۋس تىركەلگەن ەلدەرگە تۋر ۇيىمداستىراتىن تۋروپەراتورلاردىڭ قىزمەتى توقتاتىلدى.

كوروناۆيرۋستى جۇقتىرۋ جاعدايلارى انىقتالعان ەلدەردىڭ تىزبەسى: سينگاپۋر، جاپونيا، وڭتۇستىك كورەيا، تايلاند، مالايزيا، ۆەتنام، گەرمانيا، اۆستراليا، اقش، فرانتسيا، ۇلىبريتانيا، ءباا، كانادا، ءۇندىستان، فيليپپين، يتاليا، يسپانيا، يران، رەسەي، فينليانديا، نەپال، كامبودجا، شري-لانكا، شۆەتسيا، بەلگيا، ەگيپەت.

الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا اتاپ وتكەندەي، الدىن الۋ شارالارىنا باسا نازار اۋدارۋ قاجەت. تۇماۋ مەن جرۆي-مەن سىرقاتتانۋدىڭ ءورشىپ تۇرعان كەزەڭىن، سونداي-اق بىرقاتار شەت ەلدەردە كوروناۆيرۋس اۋرۋلارىنىڭ ارتۋىن ەسكەرە وتىرىپ، تۇرعىندارعا ۆيرۋستىق اۋرۋلاردىڭ الدىن الۋ شارالارىن ساقتاۋ جانە ادام كوپ جينالاتىن جەردەن اۋلاق بولۋ ۇسىنىلادى.

الماتىدا كوروناۆيرۋس جاعدايى تىركەلگەن جوق. الماتى قالاسى اكىمىنىڭ ورىنباسارى ەرجانباباقۇماروۆتىڭ توراعالىعىمەن كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى وڭىرلىك شتاب اۋەجاي اۋماعىنداعى وتكىزۋ پۋنكتتەرىندە، تەمىر جول ستانسالارىندا، اۆتوكولىك وتكەلدەرىندە لاۋازىمدى تۇلعالاردىڭ ءوزارا ءىس-قيمىل الگوريتىمىنىڭ ساقتالۋىنا باقىلاۋ قويىلعان.شاھاردا مەديتسينالىق قۇرالدار، ونىڭ ىشىندە بەتپەردەلەر قورى جەتكىلىكتى.

سۇراقتار تۋىنداعان جاعدايدا 1406 ءنومىرى بويىنشا حابارلاسۋعا بولادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار