ايماقتار • 22 اقپان، 2020

الماتى اۋەجايىندا تاۋلىگىنە 33 ەپيدەميولوگ جۇمىس ىستەيدى

10 رەتكورسەتىلدى

الماتىدا كوروناۆيرۋستىڭ الدىن الۋ شارالارىن قاتاڭ ساقتاۋ ۇسىنىلدى. الماتىنىڭ حالىقارالىق اۋەجايىندا قالا اكىمى باقىتجان ساعىنتاەۆتىڭ تاپسىرماسىمەن قۇرىلعان كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى وڭىرلىك شتابتىڭ وتىرىسى ءوتتى.

وڭىرلىك شتاب قالا اكىمىنىڭ ورىنباسارى ەرجان باباقۇماروۆتىڭ توراعالىعىمەن جۇمىس ىستەيدى.
جيىندا شاھارداعى اعىمداعى ەپيدەميولوگيالىق جاعداي جانە ۇشىپ كەلەتىن حالىقارالىق رەيستەردى باقىلاۋ اياسىندا سانيتارلىق-كارانتيندىك شارالاردى ىسكە اسىرۋ بارىسى پىسىقتالدى.

1 اقپاننان باستاپ الماتى قالاسىندا مەديتسينا قىزمەتكەرلەرى جانە ۋاكىلەتتى ماماندارمەن مەگاپوليستىڭ حالىقارالىق اۋەجايىنا كەلەتىن بارلىق حالىقارالىق رەيستەرگە تەكسەرۋ جۇرگىزىلءىپ كەلەدى. اۋەجاي اۋماعىندا تاۋلىگىنە 33-كە جۋىق ەپيدەميولوگ جۇمىس ىستەيدى. سونداي-اق لاۋازىمدى تۇلعالاردىڭ ءوزارا ءىس-قيمىل الگوريتمى تەمىر جول ستانتسيالارىندا، اۆتوموبيل وتكەلدەرىندە ساقتالادى. قالانىڭ مەديتسينالىق ۇيىمدارى كوروناۆيرۋستىق ينفەكتسيانى باقىلاۋ مەن الدىن الۋدىڭ كۇشەيتىلگەن شارالارىن جۇزەگە اسىرادى.

ۇلتتىق ساراپتاما ورتالىعى بازاسىندا 200-دەن استام جاعىندى سىنامالارى زەرتتەلدى، وڭ ناتيجەلەر جوق. الماتىدا كوروناۆيرۋس جاعدايى تىركەلگەن جوق. سونىمەن قاتار، مەگاپوليستە 100 مىڭنان استام مەديتسينالىق بەتپەردەلەر مەن 700-دەن استام ءدارى-دارمەك قورى بار. جالپى، قالا بارلىق قاجەتتى قورعانىس قۇرالدارىمەن تولىق جابدىقتالعان.سونداي-اق سانيتارلىق-اعارتۋ جۇمىستارى كۇشەيتىلدى، ساۋدا ۇيلەرى مەن بازارلار بويىنشا سانيتارلىق باقىلاۋ شارالارىنىڭ ساقتالۋىنا تەكسەرۋ جۇرگىزىلءىپ وتىر.

اقپاراتتىق-ءتۇسىندىرۋ جۇمىستارى اياسىندا كوروناۆيرۋستىق ينفەكتسيانىڭ الدىن الۋ بويىنشا 18 مىڭعا جۋىق جادىناما تاراتىلدى.
قىتاي حالىق رەسپۋبليكاسىندا كوروناۆيرۋستىق ينفەكتسيانىڭ جاڭا ءتۇرىنىڭ ءورشۋىنىڭ جاريالانۋىنا بايلانىستى جانە ينفەكتسيانىڭ اكەلىنۋى مەن تارالۋىنىڭ الدىن الۋ، سونداي-اق قازاقستان رەسپۋبليكاسىنداعى حالىقتىڭ سانيتارلىق-ەپيدەميولوگيالىق ساۋلىعىن/ساۋاتتىلىعىن قامتاماسىز ەتۋ ماقساتىندا الدىن الۋ شارالارىن ساقتاۋدى سۇرالادى:

- كۇن سايىن دەنە قىزۋىن كۇنىنە كەمىندە 2 رەت ولشەۋ;

- ءۇي-جايلاردى كۇنىنە كەمىندە 2 رەت جەلدەتۋ;

- كۇن سايىن ىلعالدى تازالاۋ جۇرگىزۋ;

- قولدى سابىنمەن ءجيى جۋ;

- جەكە ىدىس، جەكە گيگيەنا قۇرالدارىن (سۇلگى، سابىن، ءتىس پاستاسى، ۇستارا اسپاپتارى جانە ت.ب.) پايدالانۋ.

سونداي-اق جرۆي مەن تۇماۋدى جۇقتىرۋ قاۋپى جوعارى كەزەڭدە، بىرقاتار ەلدەردە ۆيرۋستىق ينفەكتسيالاردىڭ تارالۋى بويىنشا جاعدايدى ەسكەرە وتىرىپ، شاھار تۇرعىندارىنا ادامدار كوپ جينالاتىن جەردەن اۋلاق بولۋ جانە قاۋىپتى ايماقتارعا شىقپاۋعا كەڭەس بەرىلەدى.

- دەنە قىزۋى بار ادامداردىڭ قوعامدىق ورىندارعا بارماي، دەر كەزىندە مەديتسينالىق كومەككە جۇگىنۋ، سونداي-اق جەدەل رەسپيراتورلىق ينفەكتسياسىنىڭ بەلگىلەرى بار جاندار "جوتەلۋ ەتيكەتىن" ساقتاعانى ابزال (قاشىقتىقتى ساقتاۋ، جوتەلگەندە نە تۇشكىرگەندە ءبىر رەتتىك مايلىقپەن نەمەسە كيىممەن اۋىزدى جابۋ، قولدى جۋ).

قازاقستان اۋماعىندا 1406 ءنومىرى بويىنشا كوروناۆيرۋس ماسەلەلەرى جونىندە تاۋلىك بويى بىرىڭعاي call-center جۇمىس ىستەيدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار