ايماقتار • 21 اقپان، 2020

سەمەيدە ستۋدەنتتەر جاتاقحاناسى ورتەندى

10 رەتكورسەتىلدى

سەمەي قالاسىنداعى جوعارى وقۋ ورنى جاتاقحانالارىنىڭ بىرىندە ءورت شىقتى. بۇل تۋرالى سەمەي قالاسىنىڭ تجب ءباسپاسوز قىزمەتى حابارلادى.

قالالىق توتەنشە جاعدايلار باسقارماسىنىڭ مالىمەتىنە سايكەس، وقيعا بۇگىن ساعات 13:00 شاماسىندا فيزكۋلتۋرنايا كوشەسىندە بولعان. ءورت جاتاقحانانىڭ 6-قاباتىندا شىققان. جيھاز بەن توسەك-ورىندى شارپىعان قىزىل جالىننىڭ جالپى اۋماعى 10 شارشى مەتر بولعان. عيماراتتاعى 80 ادام ءورت تۇتانا سالىسىمەن سىرتقا شىققان.

- ادامداردى ەۆاكۋاتسيالاۋعا كومەكتەسىپ ءجۇرىپ، اششى گاز ءيىسىن كوپ جۇتىپ قويعان 1972 جىلعى كۇزەتشى ۋلانىپ، اۋرۋحاناعا جەتكىزىلدى. ءتىلسىز جاۋدى اۋىزدىقتاۋعا 30 ءورت ءسوندىرۋشى مەن 6 اۆتوتسيستەرنا جۇمىلدىرىلدى. جالىن ساعات 13:31-دە تولىقتاي ءوشىرىلدى. الدىن الا بولجام بويىنشا ءورتتىڭ شىعۋىنا وتتى ابايسىز پايدالانۋ نەمەسە ەلەكتر جابدىقتارىنىڭ اپاتتىق جاعدايدا بولۋى سەبەپ بولۋى مۇمكىن، - دەلىنگەن حابارلامادا.


سوڭعى جاڭالىقتار

ۇقساس جاڭالىقتار