پرەزيدەنت • 21 اقپان، 2020

قاسىم-جومارت توقاەۆ ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى

81 رەتكورسەتىلدى

قوعام قايراتكەرى، «BTS Digital» ءبىلىم بەرۋ جوباسىنىڭ جەتەكشىسى ساياسات نۇربەكپەن كەزدەسۋ بارىسىندا كاسىپتىك-تەحنيكالىق ءبىلىم بەرۋ ءىسىن جانە ەڭبەك نارىعىن دامىتۋ ماسەلەلەرى تالقىلاندى. بۇل تۋرالى اقوردانىڭ ءباسپاسوز قىزمەتى حابارلادى.

ساياسات نۇربەك پرەزيدەنتكە «جاڭا ماماندىقتار اتلاسى» ۇلتتىق جوباسىنىڭ جۇزەگە اسىرىلۋى جايىندا ايتتى. ونىڭ پىكىرىنشە، اتالعان جوبا جاستاردىڭ ماماندىق تاڭداۋىنا جانە الداعى ۋاقىتتا ەلىمىزدە سۇرانىسقا يە بولاتىن كاسىپتەردى مەڭگەرۋىنە كومەكتەسەدى.

مەملەكەت باسشىسى ءبىلىم بەرۋ سالاسىندا جاڭا عىلىمي ادىستەردى جانە تەحنولوگيالىق شەشىمدەردى قولدانۋدىڭ ماڭىزدىلىعىن اتاپ ءوتتى. قاسىم-جومارت توقاەۆتىڭ ايتۋىنشا، ءبىلىم جۇيەسىن جاڭعىرتۋعا بايلانىستى ماسەلەلەر ۇلتتىق قوعامدىق سەنىم كەڭەسىنىڭ كەزەكتى وتىرىسىنىڭ كۇن تارتىبىنە ەنگىزىلەدى.

ەكونوميكالىق ساياسات ينستيتۋتىنىڭ پرەزيدەنتى قايىربەك ارىستانبەكوۆپەن كەزدەسۋدە ۇلتتىق ەكونوميكانى دامىتۋ، مەملەكەتتىڭ الەۋمەتتىك ساياساتىنىڭ تيىمدىلىگىن جاقسارتۋ ماسەلەلەرى قاراستىرىلدى. قازاقستان پرەزيدەنتىنە ينستيتۋتتىڭ جۇرگىزگەن زەرتتەۋ جۇمىستارىنىڭ ناتيجەلەرى باياندالدى.

سوڭعى جاڭالىقتار

ۇقساس جاڭالىقتار