قوعام • 21 اقپان، 2020

ەلوردادا «ۇمىتىلعان ۇلتتىق تاعامدار» جوباسى تانىستىرىلدى

12 رەتكورسەتىلدى

قازاقتىڭ ۇمىت قالعان ۇلتتىق تاعامدارىن قايتادان جاڭعىرتۋ ماقساتىندا دوستىق ۇيىندە «رۋحاني جاڭعىرۋ - ۇلتتىق قۇندىلىقتاردى جاڭعىرتۋ مەن بىرەگەيلىكتى ساقتاۋدىڭ نەگىزى» تاقىرىبىندا دوڭگەلەك ۇستەل ءوتتى. بۇل تۋرالى قالا اكىمدىگىنىڭ رەسمي سايتى حابارلادى.

بۇل شاراعا ءبىلىم سالاسىنىڭ جەتەكشىلەرى، «اتامەكەن» ۇلتتىق كاسىپكەرلىكتى دامىتۋ پالاتاسىنىڭ وكىلدەرى، جالپى ءبىلىم بەرەتىن وقۋ ورىندارىنىڭ ديرەكتورلارى، تەحنيكالىق جانە كاسىپتىك ءبىلىم بەرۋ وقۋ ورىندارىنىڭ باسشىلارى، ۇلتتىق تاعامدى زەرتتەۋشىلەر مەن ەتنوگراف ماماندار، مەيرامحانا ءىسىنىڭ ماماندارى، ستۋدەنتتەر قاتىستى.

شارا بارىسىندا نۇر-سۇلتان قالاسى اكىمدىگىنىڭ قوعامدىق تاماقتاندىرۋ جانە سەرۆيس كوللەدجى جانە قالالىق ءبىلىم باسقارماسىنا قاراستى №28، 30، 55 جالپى ءبىلىم بەرەتىن مەكتەپتەرى بىرلەسىپ دايىنداپ جاتقان «ۇمىتىلعان ۇلتتىق تاعامدار» جوباسى تانىستىرىلدى.

باسقوسۋدا ماماندار قازاقتىڭ ۇمىت بولعان تاعامدارىنىڭ بىرقاتارىن اتاپ، ولاردى قايتا جاڭعىرتۋدىڭ قاجەتتىلىگىنە توقتالدى. تەك تاباق تارتۋ ءداستۇرىمىزدىڭ وزىندە ۇلكەن عىلىميلىق جاتقانىن ايتىپ، بۇل كۇندە كەجىم تاباق، تورە تاباق، باس تاباق، اياق تاباق، قوس تاباق، سىي تاباق سىندى تاباق تارتۋ ءداستۇرىمىزدىڭ كەيبىر تۇرلەرى ۇمىتىلىپ بارا جاتقانىن جەتكىزدى.

سوڭعى جاڭالىقتار

ۇقساس جاڭالىقتار