ايماقتار • 21 اقپان، 2020

«قاسيەتتى قازاقستان» ەنتسيكلوپەدياسى: قوستانايدا ءۇشىنشى تومنىڭ تۇساۋكەسەرى ءوتتى

27 رەتكورسەتىلدى

تاريحي-تانىمدىق ماڭىزعا يە قۇندى ەڭبەككە قاراعاندى، قوستاناي، قىزىلوردا، جامبىل وبلىستارىنىڭ كيەلى جەرلەرى، تاريحي وقيعالار وتكەن قاسيەتتى ورىندار، تابيعي لاندشافتتىڭ ەرەكشە ەسكەرتكىشتەرى مەن ۇلتتىق كۇندى مادەني مۇرالار ەنگەن.

جاڭا جيناقتىڭ تۇساۋكەسەر ءراسىمى وبلىستىق تاريحي-ولكەتانۋ مۋزەيىندە ءوتتى. وعان جەرگىلىكتى ولكەتانۋشىلار، تاريحشى عالىمدار، مادەنيەت قىزمەتكەرلەرى، وڭىرلىك «رۋحاني جاڭعىرۋ» جوبا كەڭسەسىنىڭ وكىلدەرى قاتىستى.

ەنتسيكلوپەدياعا قوستاناي وبلىسىنان باس اياعى 38 كيەلى نىسان ەنىپ وتىر. ونىڭ 28-ءى جەرگىلىكتى، 10-ى جالپىۇلتتىق ماڭىزعا يە. «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى باتىرحان جۇماباەۆ جينالعان كوپشىلىكتى كىتاپ مازمۇنىمەن تانىستىردى. ونىڭ ايتۋىنشا، جاڭا تومدا ءار وڭىردەن شىققان تاريحي تۇلعالار تۋرالى مالىمەتتەر دە قامتىلعان.

- بۇعان دەيىن قازاقستاندا باس-اياعى 100 جالپىۇلتتىق نىسان بولاتىن بولسا، سوڭعى 1-2 جىل ىشىندە جۇرگىزىلگەن زەرتتەۋ جۇمىستارىنىڭ ناتيجەسىندە ونىڭ سانى 205-كە جەتىپ وتىر. مۇنىڭ سىرتىندا، 575 جەرگىلىكتى نىسان بار. ەندى بۇلاردىڭ سانى وزگەرتىلمەيدى.  بيىل بۇل كارتاعا ەنگەن قاسيەتتى نىسانداردىڭ قوعامدىق ومىرىمىزدە الاتىن ورنى، ءتۋريزمدى دامىتۋعا تيگىزەتىن ىقپالى، تاريحي-گەوگرافيالىق ماڭىزى سياقتى ماسەلەلەردى زەرتتەۋ جۇمىستارىن باستايمىز، - دەيدى ورتالىق باسشىسى. جالپى «قازاقستاننىڭ كيەلى جەرلەرىنىڭ گەوگرافياسى» جوباسى ىسكە اسقالى 56 ارحەولوگيالىق قازبا جۇمىستارى جۇرگىزىلىپ، 25 تاريحي نىسان قايتا قالپىنا كەلتىرىلگەن.

وبلىستىق مادەنيەت باسقارماسىنىڭ باسشىسى ەرلان قالماقوۆ ەنتسيكلوپەديا جارىققا شىققانعا دەيىن تاريحي دەرەكتەردى جيناۋ، زەردەلەپ، جۇيەلەۋ جۇمىستارىن جۇرگىزگەن وبلىستىق ولكەتانۋ مۋزەيىنىڭ قىزمەتكەرلەرى مەن جەرگىلىكتى ولكەتانۋشىلارعا العىس ايتتى. باسقارما باسشىسىنىڭ ايتۋىنشا، جاڭا ەنتسيكلوپەديا جالپى كوپشىلىككە  ارنالعان جيناق.

 

نۇرقانات قۇلاباەۆ،

قوستاناي

سوڭعى جاڭالىقتار

ۇقساس جاڭالىقتار