تاعايىنداۋ • 20 اقپان، 2020

پاۆلودار وبلىسى اكىمىنىڭ ورىنباسارى تاعايىندالدى

48 رەتكورسەتىلدى

پاۆلودار وبلىسى اكىمىنىڭ ورىنباسارى بولىپ ساكەن بەيىمبەت ۇلى شاياحمەتوۆ تاعايىندالدى. بۇل تۋرالى pavlodarnews.kz سايتى حابارلادى.

پاۆلودار وبلىسى اكىمى ءباسپاسوز قىزمەتىنىڭ مالىمەتىنشە، بۇگىن ساكەن شاياحمەتوۆ پاۆلودار وبلىسى اكىمىنىڭ ورىنباسارى قىزمەتىنە تاعايىندالدى. ول 1990 جىلى 2 مامىردا الماتى قالاسىندا دۇنيەگە كەلگەن.

اقش-تىڭ تەحاس ۋنيۆەرسيتەتىن (The University of Texas) «مۇناي-گاز ءىسى» جانە «ەكونوميكا» ماماندىقتارى بويىنشا تامامداعان. مۆا دارەجەسىن قىتاي-ەۆروپا حالىقارالىق بيزنەس مەكتەبىندە (China Europe International Business School) العان، سونداي-اق قۇقىق پەن ديپلوماتيا سالاسىنداعى گۋمانيتارلى عىلىمدار ماگيسترى (The Fletcher School of Law and Diplomacy، Tufts University).

وقۋ كەزىندە جىل سايىن Chevron (اقش)، J.P. Morgan ( ۇلىبريتانيا)، Citibank (الماتى)، World Bank (اقش) سىندى كومپانيالاردا ارنايى اقىلى تاعىلىمدامالاردان وتكەن. ەڭبەك جولىن 2011 جىلى اتىراۋ وبلىسىنداعى «بولاشاق» زاۋىتىندا مەحانيكتىڭ كومەكشىسى بولىپ باستادى. 2012-2014 جىلدارى Caspi Meruerty Operating Company B.V. كومپانياسىندا ەكونوميست بولىپ قىزمەت ەتتى.

كەيىن 2017 جىلعا دەيىن ماگيستراتۋرادا ءبىلىم الدى. 2017 جىلى مەملەكەتتىك قىزمەتكە اۋىستى. 2017-2018 جىلدارى  پرەمەر-ءمينيسترىنىڭ كەڭەسشىسى، ال 2018 جىلدىڭ جەلتوقسانىنان باستاپ پرەمەر-ءمينيسترى كەڭسەسى باسشىسىنىڭ ورىنباسارى لاۋازىمدارىن اتقارعان. «ساكەن شاياحمەتوۆ پرەزيدەنتتىك جاستار كادرلىق رەزەرۆىنىڭ ۇزدىك ۇشتىگىنە ەنگەن. جاڭا قىزمەتىندە ينۆەستيتسيالار، كاسىپكەرلىكتى جانە ارنايى ەكونوميكالىق ايماعىن دامىتۋ ماسەلەلەرىمەن اينالىسادى» دەپ ءمالىم ەتتى ءباسپاسوز قىزمەتى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار