«قۇرمەتتى جولاۋشىلار, بۇگىننەن باستاپ باس مەملەكەتتىك سانيتارلىق دارىگەردىڭ قاۋلىسىنا سايكەس ەلدە كوروناۆيرۋسقا قارسى كۇرەس شارالارى كۇشەيتىلىپ جاتىر. اتاپ ايتقاندا, الماتى اۋەجايى ارقىلى وتەتىن ءبىرىنشى ساناتتاعى جولاۋشىلار بىردەن كارانتينگە جابىلاتىن بولدى. قاۋلىعا سايكەس, 20 اقپاننان باستاپ كوروناۆيرۋس جۇقپاسى شىققان ەلدەردەن كەلەتىن جولاۋشىلار ءۇش ساناتقا بولىنگەن ەدى. ءبىرىنشى ساناتقا جاتقىزىلعان قحر-دان كەلگەن جولاۋشىلار ەندى 14 كۇنگە ستاتسيونارلىق كارانتينگە جابىلاتىن بولدى. ودان كەيىن 10 كۇندەي مەديتسينا ماماندارىنىڭ باقىلاۋىندا بولادى. ەكىنشى ساناتقا جاتاتىن كوروناۆيرۋس جۇقپاسىنىڭ 10 جاعدايى تىركەلگەن ەلدەن كەلگەن جولاۋشىلار ءۇي جاعدايىنداعى كارانتيندە 14 كۇن جاتۋى ءتيىس», - دەپ جازىلعان الماتى اۋەجايىنىڭ رەسمي پاراقشاسىندا.
ايتا كەتەيىك, قاۋىپتى ۆيرۋستى جۇقتىرعان ادام سانى 10-نان اسپايتىن ەلدەن كەلگەن جولاۋشىلار ۇيدە 24 كۇن باقىلاۋدا بولۋعا مىندەتتەلەدى.
