ارنايى الەۋمەتتىك قىزمەت كورسەتەتىن 350 ورىندىق №3 ورتالىقتا قارت ادامدار, ونىڭ ىشىندە قامقورلىقتى قاجەت ەتەتىن مۇگەدەكتەر تۇرادى. اكىمنىڭ ەسەپتىك كەزدەسۋىندە پەرسونالدىڭ جۇمىسى مەن مەديتسينالىق قىزمەتتىڭ ساپاسىن تەكسەرۋ بويىنشا شاعىم ايتىلعان ەدى.
قالا اكىمى ب.ساعىنتاەۆتىڭ تاپسىرماسىمەن قۇرىلعان كوميسسيا ءادىل باعا بەرۋ ءۇشىن شاعىمدا ايتىلعان بارلىق جاعدايلاردى ءجىتى تەكسەرەتىن بولادى. بۇل جۇمىستى جۇرگىزۋ قالا اكىمىنىڭ ورىنباسارى س.تۇياقباەۆقا تاپسىرىلدى.
ايتىلعان باسقا دا شاعىم بويىنشا ب.ساعىنتاەۆ بالالاردىڭ قالالىق كلينيكالىق ينفەكتسيالىق اۋرۋحاناسىندا بولدى, مۇندا ول كورسەتىلەتىن مەديتسينالىق قىزمەت تۇرلەرىن, قۇرال-جابدىقتارىن كورىپ, مەديتسينا قىزمەتكەرلەرىنىڭ بىلىكتىلىگىمەن تانىستى.
بالالاردىڭ ينفەكتسيالىق اۋرۋحاناسىنا قالا مەن الماتى وبلىسىنىڭ ەلدى مەكەندەرىنەن كۇن سايىن 300 بالا جەتكىزىلەدى, ولاردىڭ 80-گە جۋىعىن ستاتسيوناردا ەم الۋ ءۇشىن قالدىرادى.
«وسىدان 40 جىل بۇرىن 360 ورىنعا ەسەپتەلىپ سالىنعان قالاداعى جالعىز مامانداندىرىلعان اۋرۋحانانىڭ جۇكتەمەسى ارتا تۇسۋدە. سوندىقتان ونىڭ جانىنان 70 ورىندى قوسالقى نىسان نەمەسە زاماناۋي 500 ورىندى بالالاردىڭ ينفەكتسيالىق اۋرۋحاناسىن سالۋ ماسەلەسىن قاراستىرىپ وتىرمىز», - دەپ جازادى الماتى اكىمى باقىتجان ساعىنتاەۆ.
سونىمەن قاتار, ول اعا ۇرپاق وكىلدەرى مەن بالالاردىڭ قامقورلىق پەن ءجىتى نازاردى تالاپ ەتەتىنىن اتاپ ءوتتى.
الماتى
