ايەل كاسىپكەرلىگى مەن الەۋمەتتىك ماسەلەلەرگە ارنالعان ديالوگ الاڭىندا كاسىپكەرلەرمەن بىرگە تاجىريبەلى ساراپشىلار قاتىسىپ, ءوز ويلارىن ورتاعا سالدى.
«اتامەكەن» ۇكپ ىسكەري ايەلدەر كەڭەسىنىڭ ءتورايىمى ءلاززات رامازانوۆا: ء«بىزدىڭ ەلىمىزدە ايەلدەر بيزنەسكە قۇلشىنا كىرىسىپ وتىر, مۇنى ستاتيستيكالىق مالىمەتتەر دە راستايدى. الماتىداعى بيزنەستىڭ 45%-ىن ايەلدەر باسقارادى: قىزمەت جۇرگىزىپ تۇرعان 174,5 مىڭ شاعىن جانە ورتا كاسىپكەرلىك سۋبەكتىسىنىڭ 78 مىڭىنا ايەلدەر جەتەكشىلىك ەتەدى. رەسپۋبليكا بويىنشا بۇل كورسەتكىش 43%-عا تەڭ (1,2 ميلليون كاسىپكەردىڭ ىشىندە 536 مىڭى ايەلدەر). ولار وتكەن جىلى «اتامەكەن» ۇيىمداستىرعان بيزنەس-وقۋىنا ۇلكەن قىزىعۋشىلىق تانىتتى. «ەڭبەك» مەملەكەتتىك باعدارلاماسى اياسىندا قازاقستاندا 75 مىڭ ادام وقۋدان ءوتتى, ولاردىڭ 40,7 مىڭى (54%) – قىز-كەلىنشەكتەر. «باستاۋ» جوباسى بويىنشا كۋرستان وتكەن 55 مىڭ ادامنىڭ ىشىندە 30,5 مىڭى (55%) تاعى دا ايەلدەر. «جاس كاسىپكەر» جوباسى اياسىندا 20 مىڭ تۇلەكتىڭ ىشىندە 10 مىڭنان اسا جاس ايەل بار (51%)», دەدى.
«ايەلدەر بيزنەسىن قولداۋعا ارنالعان قۇرالدار» تاقىرىبىنداعى پانەلدىك پىكىرتالاسقا «قازاقستان حالىق بانكى» اق باسقارما ءتورايىمى ءۇمىت شاياحمەتوۆا, «تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا, سونداي-اق, «دامۋ» كاسىپكەرلىكتى دامىتۋ قورى» اق جانە ەۋروپالىق قايتا قۇرۋ جانە دامۋ بانكىنىڭ وكىلدەرى قاتىستى.
«Fashion يندۋستريا كرەاتيۆتىك ەكونوميكانىڭ قوزعالتقىشى رەتىندە» دەپ اتالاتىن سەسسيا كەزىندە ديزاين-ءونىمنىڭ ەل ەكونوميكاسىنا قوساتىن ۇلەسى جالپى ىشكى ونىمدەگى پايىز كورسەتكىشى ارقىلى ەمەس, وسى ديزان-ءونىم ارقاسىندا قالىپتاساتىن جاڭا مادەني پاراديگما دەڭگەيىمەن, سونداي-اق, قازاقستاندىقتار اراسىندا جانە شەتەلدە ەل ءيميدجىنىڭ كوتەرىلۋىمەن باعالانۋى ءتيىس دەگەن يدەيا ايتىلدى.
«الماتى قالاسى بۇل تۇرعىدا العاندا جاۋاپكەرشىلىگى جوعارى مىندەتتى اتقارىپ وتىر: ءدال وسىندا ەلىمىزدەگى باستى كرەاتيۆتىك ونىمدەر دۇنيەگە كەلەدى, سوندىقتان قالانى دامىتۋ كەزىندە ءدال وسى سالانى قولداپ دامىتۋعا باستى نازار ءبولىنۋى ءتيىس», – دەدى Mimioriki بالالار كيىمى برەندىنىڭ نەگىزىن قالاۋشى يننا اپەنكو.
سونىمەن قاتار, فورۋم الاڭىندا بيزنەس تيىمدىلىگىن كوتەرۋ, سونىڭ ىشىندە, ايەلدەر بيزنەسىنە ارنالعان Agile-تۇعىر, جەكەباس ترانسفورماتسياسىنىڭ بيزنەس تابىسىنا ىقپالى, سالىق زاڭناماسىنداعى باستى وزگەرىستەر سىندى تاقىرىپتارعا ارنالعان شەبەرلىك ساباقتارى مەن پراكتيكۋمدار ءوتتى.
ء«بىز بۇل فورۋمدى ەكىنشى مارتە وتكىزىپ وتىرمىز. قازىردىڭ وزىندە بۇل ءىس-شارانىڭ بيزنەس-قاۋىمداستىق ءۇشىن زور پايداسىن كورىپ, ۇلكەن سۇرانىسقا يە ەكەندىگىن بايقاپ وتىرمىز. جاعدايعا وبەكتيۆتىك تالداۋ جاساۋ, ىسكەر ورتاعا قاتىستى ۇسىنىستار مەن تاجىريبەلىك ماشىقتار, مۇنىڭ بارلىعى ءبىزدىڭ جوبانى تابىستى ءارى نارىق ءۇشىن قاجەتتى ەتتىپ وتىرعان فاكتورلار دەپ ويلايمىن», – دەيدى الماتى قالاسى بويىنشا ىسكەري ايەلدەر كەڭەسىنىڭ ءتورايىمى, قازاقستان ءباسپاسوز كلۋبىنىڭ پرەزيدەنتى اسەل قاراۋىلوۆا.
