ايماقتار • 19 اقپان، 2020

ەرىكتىلەر مەكتەبى – ەرەن ىستەردىڭ ۇيىتقىسى

19 رەتكورسەتىلدى

ماعجان جۇماباەۆ اتىنداعى وبلىستىق عىلىمي-امبەباپ كىتاپحاناسىندا ەرىكتىلەر مەكتەبىنىڭ اشىلۋ سالتاناتى ءوتتى. ءوتىنىش بىلدىرگەندەردىڭ 80-ءنى عانا اتالعان مەكتەپتەن ءبىلىم الماق. 

ەرىكتىلەر مەكتەبىندە ءتالىم الۋشىلار 3 اي مەرزىمدە 10 باعىت بويىنشا ءبىلىم الادى. 2 توپقا بولىنگەن ۆولونتەرلەرگە تاڭعى جانە كەشكى ۋاقىتتاردا ءتالىم بەرىلەدى. العاشىندا تەوريا بويىنشا بەرىلگەن ءبىلىم، كەيىن تاجىريبە ارقىلى نىعايتىلادى. سالالى ماماندار ەرىكتىلەردى العاشقى مەديتسينالىق كومەك كورسەتۋ، مۇمكىندىگى شەكتەۋلى جانداردى كۇتىپ-باعۋ، توتەنشە جاعدايدا جۇمىس ىستەۋ سىندى باعىتتار بويىنشا ۇيرەتەدى.

ء–تۇرلى سالادا جۇمىس ىستەپ جۇرگەن جانداردى تارتۋعا تىرىسىپ جاتىرمىز. تەوريا جۇزىندە العان بىلىمدەرىن ءار ەرىكتى تاجىريبە ارقىلى ىسكە اسىرادى. العاشقى مەديتسينالىق كومەك كورسەتۋدى ۇيرەنەدى. «شانس» قوعامدىق بىرلەستىگىنىڭ پسيحولوگتارى مەن ماماندارى دا ءبىلىم بەرەدى. ولار مۇمكىندىگى شەكتەۋلى جاندارعا قالاي كومەك بەرۋ كەرەكتىگىن ۇيرەتەدى،–دەيدى «جاس وتان» جاستار قاناتى وبلىستىق فيليالىنىڭ توراعاسى سۇلتانبەك بەكىشەۆ.  

ەرىكتىلەردى وقىتۋ جوباسى «جاس وتان» جاستار قاناتى وبلىستىق فيليالىنىڭ باستاماسىمەن ىسكە اسۋدا. ۆولونتەرلىك ورتالىقتىڭ، جاستار رەسۋرستىق ورتالىعى مەن وبلىستىق كىتاپحانانىڭ بىرىگۋمەن جۇزەگە اسۋدا. ماسەلەن، ماعجان جۇماباەۆ اتىنداعى وبلىستىق عىلىمي-امبەباپ كىتاپحاناسىندا وقۋشىلاردىڭ قاتىسۋىمەن ۆولونتەرلىك جوبالار وتكىزىلۋدە.

ء–وزىمىزدىڭ «ۆولونتەرلىك جوبامىز» بار. وزدىگىنەن كىتاپحاناعا كەلە المايتىن وتباسىلار جەتەرلىك. ماسەلەن، از قامتىلعان، كوپبالالى وتباسىلار، مۇمكىندىگى شەكتەۋلى جاندار. ءبىزدىڭ ەرىكتىلەرىمىز ولارعا كىتاپتاردى ۇيلەرىنە اپارىپ، الىپ كەلەدى. سونداي-اق اعىلشىن ءتىلىن ۇيرەنەمىن دەۋشىلەرگە ارنالعان كلۋبىمىز دا بار. ولار بىلىكتى ماماننان ءبىلىم الۋدا، دەيدى م.جۇماباەۆ اتىنداعى وبلىستىق عىلىمي-امبەباپ كىتاپحاناسى ديرەكتورىنىڭ ورىنباسارى گالينا ساۆەنكوۆا.

ەرىكتىلەر مەكتەبىندە ءبىلىم الۋشىلاردىڭ بارلىعى ستۋدەنتتەر. كوبىنىڭ ۆولونتەرلىك تاجىريبەسى بار. ارقايسىسى ەرىكتى بولۋعا جاۋاپكەرشىلىكپەن قاراۋدا.

–وسى ۆولونتەرلىك مەكتەپتەن كۇتەتىنىم جالپى ساپالى ءبىلىم الىپ، قارت كىسىلەرگە كومەكتەسۋ، مۇگەدەك جاندارعا دا كومەكتەسۋ ارقىلى قوعامعا پايدامىزدى تيگىزەمىز دەگەن ويدامىن. ەرىكتىلەر ءۇشىن وسىنداي مەكتەپ اشىلعانىنا قۋانىشتىمىن، دەيدى ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ ستۋدەنتى دياس مۇحامەدقاليەۆ.

ەرىكتىلەر مەكتەبىنىڭ اشىلۋ سالتاناتىندا بارلىق قاتىسۋشىلار تيمبيلدينگ ويىنىن ويناپ، تانىسۋ ءۇردىسىن جەدەلدەتتى.

 

اقمولا وبلىسى

سوڭعى جاڭالىقتار

ۇقساس جاڭالىقتار