اۆتوبۋستاردىڭ قوزعالىسىن باقىلاۋ ءۇشىن, كولىكتىڭ بەينەلەۋىن قوسۋ كەرەك – مۇنى كارتالاردىڭ ۆەب-نۇسقاسىندا جانە ءموبيلدى قوسىمشادا جاساۋعا بولادى. Yandex.kz/maps-تىڭ ۆەب-نۇسقاسىندا قازاق ءتىلى بار, ونى تاڭداۋ ءۇشىن تومەنگى وڭ جاق بۇرىشتاعى بەلگىنى باسۋ جەتكىلىكتى.
قازىر ياندەكس الماتى قالاسىنىڭ بارلىق باعىتتارىن - 127 اۆتوبۋس پەن 8 تروللەيبۋستى كورسەتەدى. قوسىمشادا ولار ارنايى بەلگىلەرمەن بەلگىلەنەدى. كارتادان ءسىز كولىكتىڭ قاي جەردە كەلە جاتقانىن ناقتى ۋاقىت تارتىپتەمەسى بويىنشا كورە الاسىز, ال ەگەر ءسىز ايالداما بەلگىسىن باسساڭىز, وندا ول قانشا مينۋتتا جەتەتىندىگىن كورەسىز. اقپارات ءار 30 سەكۋند سايىن جاڭارتىلادى, بىراق بولجاۋ الگوريتمىنىڭ ارقاسىندا بەلگى بىرقالىپتى جىلجيدى.
«قازاقستاندا ياندەكس بەلسەندى دامىپ كەلەدى. الماتى – ناقتى ۋاقىت بويىنشا كولىكتى بەينەلەۋدى ەنگىزگەن ءۇشىنشى قالا. بۇل باعىتتا كومپانياعا «بيزنەس-شەشىمدەر» جشس, «الماتى قالالىق كولىكتىك حولدينگى» جشس جانە «الماتى قالاسىنىڭ تۇراقتى كولىگى» جشس قولداۋ كورسەتىپ وتىر. ولار اۆتوبۋستار مەن تروللەيبۋستاردىڭ قوزعالىسى تۋرالى مالىمەتتەر بەرەدى» دەپ اتاپ وتكەن قازاقستانداعى ياندەكس ايماقتىق ديرەكتورى ارتيوم بوريسوۆ ايالداما بەلگىسىن باسقاندا, «ياندەكس.كارتالارى» ارقىلى وتەتىن بارلىق كولىك نومىرلەرىنىڭ ءتىزىمى كورسەتىلەتىندىگىن ءتۇسىندىردى. قوسىمشانى قولدانۋ ارقىلى, باراتىن باعىتتى جوسپارلاپ الۋعا بولادى. بۇل بەيتانىس ايماقتان قالاي شىعۋعا ءارى قالانىڭ باسقا بولىگىندەگى ماڭعا قالاي جەتۋگە بولاتىنىن ءبىلۋ ءۇشىن قاجەت. قازىرگى كەزدە «ياندەكس.كارتالارى» الماتىدان وزگە نۇر-سۇلتان مەن شىمكەنتتە كولىك قوزعالىسىن كورسەتەدى. الەم بويىنشا رەسەيدە, بەلارۋسسيادا, وزبەكستاندا جانە باسقا ەلدەردە وسىنداي 90-نان استام قالا بار.
الماتى
