ايماقتار • 18 اقپان، 2020

«ءال-فارابي – اباي: رۋحاني ساباقتاستىق ماسەلەسىنە» ارنالعان كونفەرەنتسيا ءوتتى

53 رەتكورسەتىلدى

دوڭگەلەك ۇستەلدە ۇلى ويشىل، فيلوسوف ءال-ءفارابيدىڭ 1150، ۇلى اقىن ابايدىڭ  175 جىلدىعى مەرەيتويلارىنا ورايلاستىرىلعان كونفەرەنتسيا ءال-فارابي اتىنداعى قازۇۋ-دە ءوتتى.

رەسپۋبليكالىق كونفەرەنتسيانى ءال-فارابي ورتالىعىنىڭ ديرەكتورى بەكجان مەيىرباەۆ اشىپ، نەگىزگى تالقىلاناتىن ماسەلەلەرمەن تانىستىرىپ ءوتتى.

ۇلى تۇلعالاردىڭ ءومىرى مەن شىعارماشىلىعىنا ارنالعان كونفەرەنتسيانىڭ باستى ەرەكشەلىگى «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۋزەيىنىڭ ابايدىڭ ءومىرى مەن شىعارماشىلىعىمەن بايلانىستى كورمەسىمەن ۇشتاستىرىلا وتكىزىلۋىندە. اتالعان مۋزەيدىڭ عىلىمي حاتشىسى راۋشان ەلەكەنوۆا كورمەنىڭ بارىسىنان، سونداي-اق مۋزەيدە جاسالىپ جاتقان عىلىمي-زەرتتەۋ جۇمىستارىنان دا حاباردار ەتتى.

كەلەسى كەزەكتە ءسوز العان ءال-فارابي ورتالىعىنىڭ عىلىمي كەڭەسشىسى، فيلوسوفيا عىلىمدارىنىڭ دوكتورى  جاقىپبەك التاەۆ قازاق جەرىنە فارابي ءىلىمىنىڭ كەلۋىنەن باستاپ كۇنى بۇگىنگە دەيىنگى زەرتتەۋ سالاسىنداعى جۇمىستار جايىندا بايانداپ بەردى.  سونىمەن قاتار ءال-فارابي ءىلىمىن زەرتتەگەن وتاندىق عالىمداردىڭ شىعارماشىلىعىنان اقپارات بەرىپ وتكەن عالىم ۇلى ويشىل تۋرالى جارىققا شىققان ەڭبەكتەر بارىسىنا دا توقتالدى.

ءال-فارابيتانۋشى، ابايتانۋشى عالىمدار، قوعام قايراتكەرلەرى، ۇستازدار مەن ستۋدەنتتەر قاتىسقان كونفەرەنتسيادا  «100 كىتاپ» جوباسى اياسىندا  ۇلى تۇلعالاردىڭ ءومىرى مەن باي مادەني شىعارماشىلىعىنا قاتىستى عىلىم مەن ءبىلىم بەرۋدىڭ ادىسنامالىق جانە پراكتيكالىق ماسەلەلەرى تالقىلاندى. ونىڭ بارىسىندا ء«ال-فارابي – اباي: رۋحاني ساباقتاستىق ماسەلەسى»،  «كەڭەستىك كەزەڭدەگى فارابيتانۋ،  ابايتانۋدىڭ زەرتتەلۋى»، «تاۋەلسىزدىك كەزەڭدە فارابيتانۋدىڭ،  ابايتانۋدىڭ  دامۋى»، «ورتا جانە جوعارى ءبىلىم بەرۋ جۇيەسىندە فارابيتانۋ،  ابايتانۋدى  وقىتۋ» ماسەلەلەرىنە قاتىستى مامانداردىڭ زەرتتەۋلەرى كوپشىلىك نازارىنا ۇسىنىلدى.

 

الماتى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار