ايماقتار • 18 اقپان، 2020

الماتىدا ستۋدەنتتەر اراسىندا رەسپۋبليكالىق جاس اقىندار ايتىسى ءوتتى

64 رەتكورسەتىلدى

ءتول ونەرىمىزدى جاڭعىرتۋ، ايتىس ونەرىن كەڭىنەن ناسيحاتتاۋ، جاس اقىنداردىڭ سۋىرىپ سالمالىق قابىلەتتەرىن  شىڭداۋدى ماقسات ەتكەن ءدۇبىرلى دودا حاكىم ابايدىڭ 175 جىلدىعى مەرەيتويىنا ارنالدى.

اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باستاماسىمەن بيىل ءتورتىنشى رەت وتكىزىلىپ وتىرعان «مەنىڭ ءپىرىم- ءسۇيىنباي» رەسپۋبليكالىق جاس اقىندار ايتىسىنا ەلىمىزدىڭ بارلىق وڭىرىنەن 60 استام اقىن باعىن سىناپ كەلدى. 60 اقىننىڭ ءسوزىن تارازىلاپ، ايتىس جاناشىرى ءجۇرسىن ەرمان باستاعان قازىلار القاسى فينالدىق بايگەگە اۋزىمەن قۇس تىستەگەن 18 اقىندى ىرىكتەپ شىعاردى. ول قازاق ونەرىنىڭ اسىل شىڭىنا اينالعان ايتىسقا مەملەكەت تاراپىنان قاشاندا قولداۋ بار ەكەنىن ايتادى. الماتى «رۋحاني جاڭعىرۋ» ءوفيسىنىڭ مالىمەتى بويىنشا، وتكەن جىلى جاس اقىنداردىڭ ونەرىن شىڭداۋ ماقساتىندا اباي اتىنداعى قازاق ۇلتتىق پەداگوگيكالىق ۋنيۆەرسيەتىندە «ورازالى دوسبوسىنوۆ» اتىنداعى جاس ايتىسكەر اقىنداردىڭ ورتالىعى اشىلعان. بۇگىندە وسى ورتالىق ءبىراز يگى ىستەرگە ۇيىتقى بولىپ كەلەدى ەكەن. سونىڭ ءبىرى بيىلعى 4-رەت وتكىزىلىپ وتىرعان الامان دودا. بيىلعى ايتىستىڭ تاقىرىبى - سالماقتى ءارى اۋقىمى كەڭ. قازاقتىڭ باس اقىنى - ابايعا ارنالدى. ەكى جۇپ ايتىستا ءبىر جاعىنان ءسۇيىنبايدىڭ ءداستۇرىن ايتسا، ەكىنشىدەن ابايدىڭ عۇلامالىق ويلارىن جىرلادى.

ايتىس قورىتىندىسى بويىنشا نۇر-سۇلتان قالاسىنان كەلگەن قازاق ۇلتتىق ونەر ۋنيۆەرسيتەتىنىڭ ستۋدەنتى ايان نيازبەك باس جۇلدەنى قانجىعاسىنا بايلاپ، 350 مىڭ تەڭگە سىياقى الدى. ەندى ول 18 ناۋرىز كۇنى قىزىلجاردا وتەتىن رەسپۋبليكالىق اقىندار ايتىسىنا قاتىسادى.  

                                                                            

الماتى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار