ايماقتار • 18 اقپان، 2020

وتاندىق بالمۇزداق «پرودەكسپو-2020» التىن مەدالىن ەنشىلەدى

44 رەتكورسەتىلدى

ماسكەۋدە «پرودەكسپو-2020» ازىق-ت ۇلىك ونىمدەرىنىڭ، سۋسىندار مەن شيكىزاتتىڭ ءححVىى حالىقارالىق كورمەسى قازاقستاندىق بالمۇزداقتىڭ جەڭىسىمەن اياقتالدى.

بيىل ەكسپوزيتسياعا رەكوردتىق كورسەتكىشتە الەمنىڭ 70 ەلىنەن 2600 قاتىسۋشى، ونىڭ ىشىندە قازاقستاننان 24-ءى كەلگەن. ولاردىڭ قاتارىندا ورتالىق ازيادا بالمۇزداق ءوندىرۋ سالاسىنىڭ كوشباسشىسى جانە قازاقستاندىق بالمۇزداقتى شەتەل نارىعىنا العاشقى ەكسپورتتاۋشى «شين-لاين»، «بايان سۇلۋ» كونديتەرلىك فابريكاسى، الكوگول ءونىمىن ءوندىرۋشى «باحۋس» جانە «الماتى ستەكلو» شىنىتارانى دەكوراتسيالاۋ جانە ءوندىرۋ جونىندەگى كومپانيالارى بار.

«شين-لاين» كومپانياسى قازاقستانعا «ۇزدىك ءونىم - 2020» اتالىمىنىڭ ديپلومى جانە التىن مەدالىمەن ورالدى. بۇل ماراپات تريۋفەل-قىزىل اپەلسين «باحروما» كىلەگەيلى بالمۇزداق ەسكيموسى جانە «ميشكا نا پليۋسە» قانت ستاقانى - شوكولادتى پلومبير جانە شوكولادتاعى پلومبير ەسكيمو زەفير بالمۇزداعى ءۇشىن تاپسىرىلدى.

«شين-لاينعا» پرودەكسپو سىندى دەڭگەيدەگى تاۋەلسىز ساراپتامالىق باعانى الۋ ماڭىزدى. بۇل كومپانيانىڭ بارلىق ماماندارىنىڭ جوعارى كاسىبيلىگىن كورسەتەدى. «ۇزدىك ءونىم» ديپلومى مەن التىن مەدالى تمد جانە شىعىس ەۋروپا ەلدەرىنىڭ اۋماعىندا بالمۇزداق ساناتىنداعى ءبىزدىڭ ونىمدەرىمىزدىڭ جوعارى ساپاسىنا كەپىلدىك بەرەدى، بۇل تۇتىنۋشىلار ءۇشىن تاڭداۋ جاساۋدا جول سىلتەر باعىت بولىپ تابىلادى. كومپانيانىڭ بارلىق قىزمەتكەرلەرى ءۇشىن اتالمىش وقيعا جاڭا ماۋسىمنىڭ باستالۋىندا جاڭا جەتىستىكتەرگە دەگەن تاماشا موتيۆاتسيا، ال ءبىزدىڭ تۇتىنۋشى ءۇشىن ەڭ ۇزدىك بالمۇزداققا قول جەتكىزە الۋىنىڭ كەپىلدىگى»، - دەپ اتاپ ءوتتى «شين-لاين» كومپانيالار توبىنىڭ پرەزيدەنتى اندرەي شين.

«پرودەكسپو» — رەسەي مەن شىعىس ەۋروپاداعى ەڭ ءىرى حالىقارالىق سۋسىندار مەن ازىق-ت ۇلىك كورمەسى. ال «ۇزدىك ءونىم» حالىقارالىق سالالىق ءدامىن تاتۋ بايقاۋى رەسەي فەدەراتسياسىنىڭ اۋىل شارۋاشىلىعى مينيسترلىگىمەن وتكىزىلەدى. ۇيىمداستىرۋشىلار جىل سايىن قاتىسۋشىلاردىڭ سانى ارتىپ، بايقاۋعا ۇسىنىلاتىن ءونىمنىڭ دەڭگەيى وسە تۇسكەنىن اتاپ وتۋدە.

 

الماتى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار