ايماقتار • 18 اقپان، 2020

جاسوسپىرىمدەر اراسىنداعى سۋيتسيدتە ءتورت ايماق كوش باستاپ تۇر

56 رەتكورسەتىلدى

بۇگىن الماتىدا «قازاقستان جاسوسپىرىمدەرى اراسىنداعى ءسۋيتسيدتى الدىن الۋ» ماسەلەسى بويىنشا ءباسپاسوز ءماسليحاتى ءوتتى.

قازاقستان سوڭعى 10 جىلدا جاسوسپىرىمدەر اراسىنداعى سۋيتسيد كورسەتكىشى بويىنشا الدىڭعى شەپتە تۇرعانى بەلگىلى. الماتىدا Just Support جەكەمەنشىك قورىنىڭ ماماندارى وسى ماسەلەنى شەشۋ ءۇشىن 2016 جىلدان باستاپ اپروباتسيادان ءوتىپ، جۇزەگە اسىرىلىپ جاتقان تۇعىردى دايىنداپ شىعارعان بولاتىن. 2019 جىلدان باستاپ Just Support جق «ارەكەت» گرانتتار بايقاۋىنىڭ ارقاسىندا Soul Games جوباسىن ىسكە قوستى.

بەسىنشى جىل قاتارىنان جاسوسپىرىمدەر اراسىنداعى دەسترۋكتيۆتىك ءجۇرىس-تۇرىس، سونىڭ ىشىندە سۋيتسيد ماسەلەسىن شەشۋمەن اينالىسىپ كەلە جاتقان JustSupport قورىنىڭ اتقارۋشى ديرەكتورى سۆەتلانا بوگاتىرەۆا تومەندەگىدەي ماسەلەلەردى مالىمدەدى.

باس پروكۋراتۋرانىڭ مالىمەتتەرى بويىنشا 2019 جىلى كامەلەت جاسقا تولماعاندار 180 ءسۋيتسيدتى جاساپ، 351 مارتە وزىنە قول جۇمساۋ ارەكەتىنە بارعان. بۇل وتكەن جىلمەن سالىستىرعاندا 6،7%-عا جوعارى، دەگەنمەن، جالپى كورسەتكىشتەر 5 جىل بۇرىنعى جاعدايدان تومەنىرەك.

سوڭى قايعىلى اياقتالعان سۋيتسيد كورسەتكىشى بويىنشا تۇركىستان (38)، الماتى (27)، جامبىل (16) جانە شىعىس قازاقستان (14) وبلىستارى كوش باستاپ وتىر.

وزىنە قول جۇمساۋعا ارەكەت ەتۋدە ەڭ جوعارى كورسەتكىش شىعىس قازاقستان (54)، تۇركىستان وبلىستارىندا (43) جانە استانا  قالاسىندا (42) بايقالىپ وتىر.

الماتى قالاسى بويىنشا 7 سۋيتسيد ولىممەن اياقتالىپ، 26 ارەكەت جاسالعان، بۇل وتكەن جىلمەن سالىستىرعاندا 30%-عا تومەنىرەك. مەكتەپتەردىڭ، مەملەكەتتىك ورگانداردىڭ جانە ۇەۇ-دىڭ ءسۋيتسيدتى الدىن الۋ بويىنشا جۇمىسى بىرتە-بىرتە ءبىزدىڭ قالامىزدا ءوز ناتيجەسىن بەرىپ جاتىر دەۋگە بولادى.

«جاسوسپىرىمدەردىڭ ءوز-وزىنە قول جۇمساۋى پسيحولوگيالىق كۇيمەن بايلانىستى. بۇل ماسەلەمەن مەكتەپتەگى پسيحولوگتار ءتيىمدى جۇمىس ىستەي الادى. ءبىزدىڭ قور پسيحولوگتاردىڭ سۋيتسيدپەن ءتيىمدى جۇمىس جۇرگىزۋى ءۇشىن قاجەتتى بۇكىل داعدىلاردى ۇيرەتۋ ماقساتىندا ولارعا ارناپ بىلىكتىلىكتى كوتەرۋ باعدارلاماسىن جاساپ شىعاردى. وكىنىشكە وراي، بۇل بىلىمدەردى جوعارعى وقۋ ورىندارىندا وقىتپايدى. ءبىز يزرايلدەن ساراپشىلاردى تارتىپ، قازىرگى تاڭدا وتباسىلارمەن جانە جاسوسپىرىمدەرمەن جۇمىس جاساۋعا ارنالعان اپروباتسيالانعان اۆتورلىق باعدارلامانى جاساپ شىعاردىق، ونى الماتى قالاسىنىڭ مەكتەپتەرىندە تاراتا باستادىق. قازىر 30-گە تارتا مەكتەپ قامتىلدى. ءبىز مەكتەپ پسيحولوگتارىنا ارنايى ساباقتاردى – اتا-انالار مەن جاسوسپىرىمدەرگە ارنالعان توپتاردى جۇرگىزۋدى ۇيرەتىپ جاتىرمىز. بۇل توپتاردا بالالار ءۇشىن دە، اتا-انالار ءۇشىن دە تولىعىمەن تەگىن كومەك كورسەتىلەدى. وتكەن جىلى ءبىزدىڭ وسى تۇعىرىمىزعا شىعىس قازاقستان وبلىسىنىڭ باسقارماسى قىزىعۋشىلىق تانىتىپ، وندا باعدارلامانى ەندىرۋدىڭ ءبىرىنشى كەزەڭى اياقتالىپ قويىلدى.

تۇراقتىلىقتى ساقتاپ، مەكتەپتەردە وسىنداي جۇمىستى جۇرگىزۋدى جالعاستىرۋ ءۇشىن ءبىزدىڭ قور Soul Games اتتى الەۋمەتتىك كاسىپكەرلىك جوباسىنا باستاما بەردى. وتكەن جىلدىڭ تامىزىندا ءبىز Samruk-Kazyna Trust الەۋمەتتىك جوبالاردى دامىتۋ قورى وتكىزگەن «ارەكەت» الەۋمەتتىك كاسىپكەرلەردى قولداۋعا ارنالعان گرانتتار بايقاۋىندا 25 جەڭىمپاز قاتارىنا قوسىلىپ، گرانت الدىق. وسى گرانت ارقاسىنداجوبا جۇزەگە اسىرىلا باستادى. Samruk-KazynaTrust قورى بىزگە، گرانت الۋشىلارعا ارناپ ءبىلىم بەرۋ جاعىنان كوپتەگەن ءىستى اتقارىپ وتىر، وقىتۋ سەمينارلارى وتكىزىلىپ، كەڭەس بەرىلەدى. ياعني ءبىز جوبانى جۇزەگە اسىرۋ ءۇشىن قارجىعا قول جەتكىزىپ قانا قويماي، سونىمەن بىرگە الەۋمەتتىك كاسىپكەرلىككە ۇيرەنەمىز.

ءبىزدىڭ پسيحولوگ ماماندار جاسوسپىرىمدەرگە ارناپ پسيحولوگيالىق كۆەستەردى دايىنداپ وتكىزىپ جاتىر، سونداي-اق، ءبىز ۇستەل ويىنىن وتكىزەمىز. وتباسىلار وزدەرىنىڭ تۇرعىلىقتى جەرىندە  قولجەتىمدى ساپالى كومەكتى الۋى ءۇشىن وسى كوممەرتسيالىق ونىمدەردى ساتۋدان تۇسكەن قارجى مەكتەپ پسيحولوگتارىنىڭ بىلىكتىلىگىن كوتەرۋگە باعىتتالىپ جاتىر.

Soul Games جوباسى 2019 جىلدىڭ قاڭتارىنان باستاپ قىزمەت ەتىپ كەلەدى جانە وسى ۋاقىت ىشىندە ءبىز 20 مامانعا ارناپ الماتىدا بىلىكتىلىكتى كوتەرۋ كۋرسىن وتكىزىپ، ولار 500-گە جۋىق وتباسىعا كومەك كورسەتتى. سوندىقتان ءبىز جۇمىسىمىزدى جالعاستىرۋدى كوزدەپ وتىرمىز»، دەيدى سۆەتلانا بوگاتىرەۆا.

ۆەنەرا كوكانوۆا، الماتى قالاسى ءبىلىم بەرۋ باسقارماسىنىڭ ادىسكەرى: «مەن Just Support قورىنىڭ ۇسىنىپ وتىرعان مەكتەپتەردەگى بىلىكتىلىكتى جانە جۇمىستى كوتەرۋ باعدارلاماسىمەن 2018 جىلدان باستاپ تانىسپىن، ءوزىم ول بويىنشا ترەنينگتەن ءوتتىم. ونى جاسوسپىرىمدەر مەن اتا-انالارعا ءىس جۇزىندە پايدا اكەلەتىن ءتيىمدى باعدارلاما دەپ ەسەپتەيمىن. دايىندىقتان وتكەن ماماندار جۇمىس جاسايتىن مەكتەپتەردە وسى ۋاقىت ىشىندە سۋيتسيد جاساپ كورۋ ارەكەتتەرى ورىن العان جوق. پەداگوگتار باعدارلاما ناتيجەسى بويىنشا بالالاردىڭ 40%-ى العاشقى ەكى ايدا ايتارلىقتاي وزگەرىپ، قالعاندارى باقىلاۋدا جۇرەتىندىگىن اتاپ وتۋدە. مەن پەداگوگ-پسيحولوگتارعا ارنالعان وقۋدى ۇيىمداستىرۋ ءۇشىن كومەك كورسەتەمىن، كوكتەمگى دەمالىستاردا تاعى 2 توپتى ىسكە قوسۋدى جوسپارلاپ وتىرمىز» دەدى.

ءوز كەزەگىندە الماتىداعى №60 گيمنازياسىنىڭ پەداگوگ-پسيحولوگى ولگا سولونەنكو: «بۇل قورمەن 2017 جىلدان بەرى ىنتىماقتاسىپ كەلەمىز. ءدال سول ۋاقىتتا ءبىز «اتا-انالار توبىن جۇرگىزۋ جانە جاسوسپىرىمدەرمەن جۇمىس ىستەۋ» باعدارلاماسىن اپروباتسيالاپ، قازىر ول بويىنشا ءوز مەكتەبىمىزدە جۇمىس جۇرگىزىپ جاتىرمىز. مەن مۇنداي كومەك اتا-انالارعا قاجەت ەكەندىگىن كورىپ وتىرمىن، ەڭ باستىسى، بالالار جاقسى جاققا وزگەرىپ كەلەدى. ۋىسىمىزدان بالانى شىعارىپ العان وقيعالار ەسىمدە، باعدارلامادان وتكەن سوڭ، بالا قالپىنا كەلىپ، ءوزىن جاقسى سەزىنىپ، مەكتەپكە كەلە باستايدى. جاسوسپىرىمدەرگە ولار ءۇشىن جاقىن ۇلكەنمەن قاتىناس قۇرۋ اسا ماڭىزدى. ءبىز سونداي قاتىناستى وتباسىندا قالپىنا كەلتىرۋگە، اتا-انالارعا ءوز بالاسىنا ارقاۋ مەن تىرەك بولۋعا كومەكتەسەمىز. وتباسى عانا جاسوسپىرىمدەر اراسىنداعى ماسەلەلەردى شەشۋگە، سونىڭ ىشىندە ءسۋيتسيدتى الدىن الۋعا ارنالعان ەڭ ماڭىزدى فاكتور بولىپ تابىلادى. ال ەگەر وتباسى تىپتەن دەسترۋكتيۆتى بولسا، وعان ەشقانداي ىقپال جۇرمەسە، وندا بالالارعا ارناپ جاسوسپىرىمدەر توبى قاراستىرىلعان. ونداي توپتاردا بالا ءۇشىن جاقىن ءارى قولداۋشى ەرەسەكتىڭ ءرولىن پسيحولوگ ويناي باستايدى»، - دەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار