قوعام • 17 اقپان، 2020

الماتىدا قار تازالاۋعا 600 تەحنيكا جۇمىلدىرىلدى

55 رەتكورسەتىلدى

الماتى قالاسىنىڭ اكىمى ب. ساعىنتاەۆ قالا كوشەلەرىن ارالاپ، قار تازالاۋ بويىنشا جۇمىستاردى تەكسەرىپ، قالانى قاردان تازارتۋ جۇمىستارىنىڭ باقىلاۋعا الىناتىنىن جەتكىزگەن بولاتىن.

الماتى قالاسىنىڭ جاسىل ەكونوميكا باسقارماسى باسشىسىنىڭ ورىنباسارى دياس احمەتقاليەۆ اكىمدىكتىڭ ءباسپاسوز ورتالىعىندا وتكەن بريفينگكە الماتى قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى تورەحان يسين، «الماتى قالاسى قۇتقارۋ قىزمەتىنىڭ» باسشىسى دميتري چۋحونتسەۆ قاتىسىپ، قار تالازاۋ جۇمىستارىنا قاتىستى مالىمەت بەردى.

بۇگىندە الماتىعا تۇسكەن قالىڭ قاردى  تازالاۋ جۇمىستارىنا 600-دەن استام تەحنيكا مەن 2500-گە جۋىق جول جۇمىسشىلارى جۇمىلدىرىلعان.

جاسىل ەكونوميكا باسقارماسى باسشىسىنىڭ ورىنباسارى د. احمەتقاليەۆ حابارلاعانداي، 50 ينسپەكتور جاياۋ جۇرگىنشىلەر جولدارى مەن جاياۋ جۇرگىنشىلەر جولاعىنىڭ قاردان تازارتىلعانىن باقىلايتىن بولادى. قالانىڭ جاياۋ جۇرگىنشىلەر جولاعى بولىگىندە تەكسەرۋ جۇرگىزىلۋدە. بۇل جۇمىس اۋدان اكىمدىكتەرى، اباتتاندىرۋ ءبولىمى، كوممۋنالدىق قىزمەتتەر مەن جاسىل ەكونوميكا باسقارمارماسىنىڭ باقىلاۋىندا. جەر استى جانە جەر ءۇستى جاياۋ جۇرگىنشىلەر ايماعى جانە تروتۋارلاردا قاردى تازالاۋ جانە جيناۋ جۇمىستارى ءبىر تاۋلىك ىشىندە اياقتالادى.

«الماتى قالاسىنىڭ قۇتقارۋ قىزمەتى» مكك باسشىسى د. چۋحونتسەۆ قالا تۇرعىندارىن قار قالىڭ جاۋعان كەزدە، وتپەلى جولدارمەن ءجۇرۋ كەزىندە ساق بولۋعا، اعاشتارعا جاقىن جەردە كولىكتەرىن قالدىرماۋدى ەسكەرتتى.                   

الماتى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار