الەم • 16 اقپان، 2020

وزبەكستان تۋريستەر ءۇشىن كەيبىر كوشەلەرىن گراففيتيمەن بەزەندىرەدى

107 رەتكورسەتىلدى

بۇل تۋرالى uz.sputniknews.ru پورتالى حابارلادى.

ەندى وزبەكستانداعى باس قالالارعا بارا قالساڭىز، گراففيتيمەن، ۇلتتىق ناقىشتا بەزەندىرىلگەن سۋرەتتەردى كورىپ تاڭقالماڭىز!

ءۇش ايدىڭ ىشىندە كوشەلەردە تەگىن سۋرەتشىلەر، مۋزىكانتتار، قولونەرشىلەر جانە باسقا دا شىعارماشىلىق قىزمەتكەرلەر جۇمىس ىستەي الاتىن ارنايى ايماقتار قۇرىلادى. وزبەكستاندا گراففيتيگە ارنايى بولىنگەن جەرلەر دە رۇقسات ەتىلەدى.

وزبەكستان   پرەزيدەنتىنىڭ  «وزبەكستان رەسپۋبليكاسىندا  تۋريستىك قىزمەت كورسەتۋدى دامىتۋ جانە ءارتاراپتاندىرۋدى» مىندەتتەيتىن  قاۋلىسىندا وسىنداي باپتار بار.

ەندى جاڭا تارتىپكە سايكەس، بارلىق كەسكىندەر ۇلتتىق ناقىشتان الىستاپ كەتپەۋ كەرەك. ەندى الداعى بىرەر ايدا تۋريستىك ورىندارعا اپاراتىن كوشەلەر بەزەندىرىلىپ، ءار اۋداندا كەم دەگەندە ءبىر وسىنداي كوشە پايدا بولادى. الداعى ءۇش ايدا كاسىپقوي سۋرەتشىلەر، انشىلەر مەن قولونەرشىلەردىڭ الاڭسىز جۇمىس ىستەۋىنە مۇمكىندىك بەرەتىن ارنايى ايماقتار جاساقتالادى.  ارنايى بولىنگەن ايماققا كەلىپ جۇمىس ىستەۋگە ەشقانداي رۇحساتنامالىق قۇجاتتىڭ قاجەتى جوق. تەك ىقىلاس بولسا بولعانى.   

مادەنيەت جانە شىعارماشىلىق سالاسىنداعى ءبىلىم بەرۋ ۇيىمدارىنىڭ ستۋدەنتتەرى تۋريستىك كوشەلەردە جۇمىس ىستەۋ قۇقىعىنا يە بولادى. كوشەدە گراففيتي قۇرۋ 2020 جىلدىڭ تامىزىنا دەيىن جوسپارلانىپ وتىر. وعان قاراقالپاقستاننىڭ مينيسترلەر كەڭەسى، وبلىس جانە تاشكەنت اكىمشىلىگى، وزبەكستاننىڭ جاستار وداعى جانە تۋريزم بويىنشا مەملەكەتتىك كوميتەت جاۋاپتى بولادى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار