ءبىلىم • 15 اقپان، 2020

مەكتەپ وقۋشىلارى عىلىمي جوبالارىن ءال-فارابي ۋنيۆەرسيتەتىندە قورعادى

168 رەتكورسەتىلدى

الماتىدا «دارىن» رەسپۋبليكالىق عىلىمي-پراكتيكالىق ورتالىعى جىل سايىن وتكىزەتىن رەسپۋبليكالىق عىلىمي جوبالار كونكۋرسى اياقتالىپ، تىرناقالدى جۇمىستارىن ءساتتى قورعاعان وقۋشىلار جوو ءبىلىم گرانتتارىنا يە بولعانىن بۇعان دەيىن دە حابارلاعان ەدىك.

3 دارەجەلى ديپلوممەن ماراپاتتالعان رىبالچەنكو ۆ، ستەپانوۆا د. عىلىمي تاجىريبەنى تالقىلاۋدا

شاكىرتتەردى عىلىمي ىزدەنىستەرگە تارتۋدا ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميا جانە حيميالىق تەحنولوگيا فاكۋلتەتى  دە  ەلەۋلى جۇمىستار اتقارىپ وتىر. 

ماقسات بىرەۋ – جاراتىلىستانۋ جانە ءدال عىلىمدارعا قىزىعۋشىلىق تانىتقان تالانتتى، دارىندى بالالاردى ىزدەپ تاۋىپ، عىلىمعا باۋلۋ. وسىنداي بەيىمى بار قابىلەتتى وقۋشىلار عىلىمي جوبا جۇمىستارىنا قاتىستىرىلادى. مەكتەپ وقۋشىلارىنىڭ كافەدرادا وسىنداي ءتالىم-تاربيەدەن ءوتۋى جەمىسىن بەرىپ وتىر. مۇنداي وقۋشىلار كەلەشەكتە ءال-فارابي ۋنيۆەرسيتەتىنىڭ ۇزدىك ستۋدەنتتەرىنىڭ قاتارىن كوبەيتەدى.

وسى باعىتتا جاسالعان عىلىمي جۇمىستار بيىل دا ءوز جەمىسىن بەردى. جالپى ءبىلىم بەرەتىن پاندەر بويىنشا رەسپۋبليكالىق عىلىمي جوبالار كونكۋرسى 11-14 اقپان ارالىعىندا  ءال-فارابي اتىنداعى قازاق ۇلتتىق ۋنيۆەرسيتەتىندە وتكىزىلدى.

كونكۋرستا حيميا جانە حيميالىق تەحنولوگيا فاكۋلتەتىنىڭ اعا وقىتۋشىسى رايحان راحمەتۋللاەۆا جەتەكشىلىك ەتكەن الماتىداعى №90 ليتسەيدىڭ 10 سىنىپ وقۋشىسى باقتيار يمانباەۆتىڭ «مەديتسيناعا ارنالعان پوليمەرلى كومپوزيتسيالىق ماتەريالدى الۋ» تاقىرىبىنا جاسالعان جۇمىسى  2-ءشى دارەجەلى ديپلوممەن ماراپاتتالسا، حيميا فاكۋلتەتىنىڭ دوتسەنتى پەريزات ۇركىمباەۆا جەتەكشىلىك ەتكەن 44 مەكتەپ-گيمنازيانىڭ 11 سىنىپ وقۋشىلارى ۆيكتور رىبالچەنكو مەن  ديانا ستەپانوۆانىڭ «كراحمال نەگىزىندەگى بيوىدىرايتىن ۇلدىرلەردىڭ سينتەزى جانە فيزيكا-حيميالىق قاسيەتتەرى» جوباسى 3-ءشى دارەجەلى ديپلوممەن ماراپاتتالدى.

وسىلايشا بالالار وقۋشىلاردى عىلىمعا مەكتەپ قابىرعاسىنان باۋلۋ ساپاسىنىڭ كافەدرادا جوعارى دەڭگەيدە جۇرگىزىلگەنىن تاعى دا ءبىر دالەلدەدى. 

رەسپۋبليكالىق عىلىمي جوبالار كونكۋرسى – «قازاقستان – 2050» ستراتەگياسىنداعى قازاقستان دامۋىنىڭ ەكونوميكالىق جانە الەۋمەتتىك-مادەني مودەلدەرى» تاقىرىبىنداعى وقۋشىلاردىڭ عىلىمي زەرتتەۋلەر كونكۋرسى.

كونكۋرس ءتورت باعىت بويىنشا وتكىزىلەدى: «عىلىمي-تەحنيكالىق پروگرەسس – ەكونوميكالىق ءوسۋدىڭ نەگىزگى بۋىنى»، «ەكونوميكالىق جانە الەۋمەتتىك پروتسەستەردى ماتەماتيكالىق مودەلدەۋ»، «تازا تابيعي ورتا – قازاقستان - 2050 ستراتەگياسىن ىسكە اسىرۋدىڭ نەگىزى»، «قازاقستاننىڭ تاريحي ەسكەرتكىشتەرى جانە بولاشاق دامۋى بار ساياحات باعدارلارى».

 

الماتى

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار