رۋحانيات • 15 اقپان، 2020

ابايدىڭ 175 جىلدىعىنا ارنالعان پوەزيا كەشى ءوتتى

102 رەتكورسەتىلدى

ء«وزىن-ءوزى تانۋ: شىعارماشىلىق جانە سۇيىسپەنشىلىك پەداگوگيكاسى» ون كۇندىك دەكادا اياسىندا الماتى وبلىستىق № 1 بالالار ۇيىندە «مەيىرىم» كلۋبىنىڭ مۇشەلەرى - ەرىكتى-ستۋدەنتتەردىڭ ۇيىمداستىرۋىمەن ۇلى قازاق اقىنى جانە ويشىلى اباي قۇنانباەۆتىڭ 175 جىلدىعىنا ارنالعان «جۇرەك تىلىمەن» تاقىرىبىندا تانىمدىق پوەزيا كەشى ءوتتى.

الماتى قالاسى «رۋحاني جاڭعىرۋ» ءوفيسى ماماندارى ادەبي كەشتىڭ نەگىزگى ماقساتى - ادامزاتتى ءوزىنىڭ ۇلگىسىمەن شابىتتاندىراتىن شىنايى كوشباسشىنىڭ الەۋەتىن جۇزەگە اسىرۋعا ىقپال ەتەتىن، ابايدىڭ رۋحاني مۇراسىنىڭ ءمانىن تەرەڭ ءتۇسىنۋ ەكەندىگىن ايتادى. ءىس-شارانىڭ باستى مىندەتتەرى - جاستاردىڭ ساناسىندا ابايمەن ناسيحاتتالاتىن جوعارى ادامگەرشىلىك قۇندىلىقتاردى نىعايتۋ. كەشتىڭ اياسىندا «جۇرەك تىلىمەن» ەرتەگىلەر قويىلىمىندا ستۋدەنتتەر مەن بالالار فيلوسوفيالىق وي تولعاۋىن پوەزيامەن بىرىكتىرە وتىرىپ، ابايدىڭ اندەرى مەن ولەڭدەرىن ورىندادى.

الماتى قالاسى «رۋحاني جاڭعىرۋ» جوبالىق كەڭسەسى مالىمەتتەرى بويىنشا، ەرىكتىلەر م. و. اۋەزوۆتىڭ «اباي جولى» اتتى اتاقتى رومانى بويىنشا وزدەرىنىڭ ساحنالىق قويىلىمىن ۇسىندى. نەگىزگى نازار بالالاردىڭ ءوزىن-ءوزى تانۋ جانە تۇتاس ەموتسيونالدى سفەراسىن دامىتۋ ءۇشىن كەڭ مۇمكىندىكتەر اشاتىن شىعارماشىلىق الەۋەتىن انىقتاۋعا اۋدارىلدى. «مەيىرىم» كلۋب مۇشەلەرى وزدەرىنىڭ شابىتتانعان شىعارماشىلىق ونەرلەرىمەن بالالاردىڭ جانى مەن جۇرەگىنە ەنە ءبىلدى جانە بۇلدىرشىندەردىڭ جارقىن بولاشاققا دەگەن ۇمىتتەرى مەن ىزگىلىكتى سەزىمدەرىن وياتۋعا ىقپالىن تيگىزدى. «جۇرەك تىلىمەن» پوەزيا كەشى وقۋشىلارعا جالپىادامزاتتىق قۇندىلىقتاردىڭ ماڭىزدىلىعىن كورسەتتى. سوڭىندا ءىس-شاراعا قاتىسۋشىلار وسى تاماشا اكتسيانىڭ ءوتۋ ساتىندە سەزىنگەن جاعىمدى اسەرلەرىن ءبىر-بىرىمەن ءبولىستى.

الماتى

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار