رۋحانيات • 15 اقپان، 2020

الماتىدا «فارابي» ون بەس تومدىق جيناعىنىڭ تانىستىرىلىمى ءوتتى

109 رەتكورسەتىلدى

قر ۇلتتىق كىتاپحاناسىنىڭ ء«ال-فارابي» عىلىمي ورتالىعىندا بەلگىلى جازۋشى، دراماتۋرگ روللان سەيسەنباەۆتىڭ «فارابي» ون بەس تومدىق جيناعىنىڭ تانىستىرىلىمى ءوتتى.

«فارابي» كوپ تومدىعىنىڭ قازاق تىلىندە جارىق كورگەن ءى تومى «قايىرىمدى قالا»، ءىى تومى «فيلوسوفيالىق تراكتاتتار»، ءىىى تومى «الەۋمەتتىك-ەتيكالىق تراكتاتتار»، ءىV تومى  «مۋزىكا تۋرالى ۇلكەن كىتاپ»، V تومى «عىلىم تۋرالى كىتاپ»، VI تومى «وي-سانا تۋرالى كىتاپ»، ءVىى تومى «ۇستازدىڭ ورالۋىنا» ارنالادى.

ء«ابۋ ناسىر ءال-فارابي – ۇلى عۇلاما! ۇستازدىڭ شىعارمالارى ۇلتىنىڭ جان جۇرەگىنە جەتىپ، اقىلىنا تەرەڭ ءسىڭىپ، ولمەيتىن، وشپەيتىن، ۇرپاقتان ۇرپاققا تارار اسىل ءھام كيەلى قۇندىلىعى بولىپ قالادى» دەگەن تۇجىرىمدى ويلارىن جازۋشى  ر.سەيسەنباەۆ كىتاپ مۇقاباسىنا جازىپتى. جازۋشىنىڭ ايتۋىنشا، ء ال-فارابي – اۋليە تۇلعا. ەڭبەكتەرىن بىردەن وقىپ كەتۋ مۇمكىن ەمەس. دەسەك تە، جاس بۋىنعا لايىقتالىپ جارىققا شىققان ەڭبەكتەر وقۋعا ىڭعايلى، تۇسىنىكتى ەتىپ جيناقتالعان. ء ال-فارابي اتىنداعى قازۇۋ بىرلەسىپ جاسالعان ەڭبەككە ۇزاق جىلعى جۇمىستىڭ جەمىسى. العىسوزىن پرەزيدەنت ق.توقاەۆ جازعان بۇل ەڭبەككە شەتەلدەردىڭ كوپتەگەن عالىمدارىنىڭ ەڭبەكتەرى جينالدى.

جيناق ۇلى ويشىل ءابۋ ناسىر ءال-ءفارابيدىڭ 1150 جىلدىق مەرەيتويى اياسىندا مادەنيەت جانە سپورت مينيسترلىگى ءتىل ساياساتى كوميتەتى «مادەنيەت جانە ونەر سالاسىنداعى باسەكەلەستىكتى جوعارىلاتۋ، قازاقستاندىق مادەني مۇرانى ساقتاۋ، زەردەلەۋ مەن ناسيحاتتاۋ جانە مۇراعات ءىسىنىڭ ىسكە اسىرىلۋ تيىمدىلىگىن ارتتىرۋ» باعدارلاماسىنىڭ «ادەبيەتتىڭ ماڭىزدى تۇرلەرىن ساتىپ الۋ، باسىپ شىعارۋ جانە تاراتۋ» كىشى باعدارلاماسى بويىنشا حالىقارالىق «اباي» كلۋبىنىڭ، ءال-فارابي اتىنداعى قازاق ۇلتتىق ۋنيۆەرسيتەتىنىڭ جانە الەم حالىقتارى ادەبي ۋنيۆەرسيتەتىنىڭ قولداۋىمەن جارىق كوردى.

شاراعا بەلگىلى قوعام قايراتكەرلەرى مەن زيالى قاۋىم وكىلدەرى، اقىن-جازۋشىلار، كىتاپحانا وقىرماندارى مەن باق وكىلدەرى قاتىستى.

الماتى

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار