تەحنولوگيا • 14 اقپان، 2020

الماتىدا نازارباەۆ زياتكەرلىك مەكتەپتەرىنىڭ تاجىريبەسىن تاراتۋ ماسەلەسى قارالدى

60 رەتكورسەتىلدى

بۇگىن الماتى قالاسى اكىمىنىڭ ورىنباسارى ە.باباقۇماروۆتىڭ توراعالىعىمەن قالاداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى قامقورشىلىق كەڭەسىنىڭ وتىرىسى ءوتتى.

جيىنعا «نازارباەۆ زياتكەرلىك مەكتەپتەرى» دببۇ باسقارما توراعاسى ك.ءشامشيدينوۆا مەن قامقورشىلىق كەڭەس مۇشەلەرى – الماتى قالاسى ءبىلىم باسقارماسىنىڭ باسشىسى ل.جىلقىباەۆا، الماتى قالاسى ءماسليحاتىنىڭ دەپۋتاتى ا.نابيەۆ، الماتى قالاسى «فيزيكا-ماتەماتيكالىق باعىتتاعى نازارباەۆ زياتكەرلىك مەكتەبى» فيليالىنىڭ ديرەكتورى ج.سۇلەيمەنوۆا، AlmaU ۋنيۆەرسيتەتىنىڭ نەگىزىن قالاۋشى جانە پرەزيدەنتى ا.قوجاحمەتوۆ، «ۇلتتىق اۋدارما بيۋروسى» قوعامدىق قورىنىڭ ديرەكتورى ر.كەنجەحان ۇلى قاتىستى.
وتىرىس بارىسىندا مەكتەپتىڭ 2019 جىلدىڭ دامۋ قورىتىندىسى شىعارىلدى، سونداي-اق ءبىلىم بەرۋ قىزمەتتەرىنىڭ ساپاسىن ودان ءارى ارتتىرۋ، ماتەريالدىق-تەحنيكالىق بازانى جاڭعىرتۋ جونىندەگى جوسپارلار قارالدى. بۇگىنگى تاڭدا نزم الماتى فيليالىنىڭ وقۋشىلارى رەسپۋبليكالىق جانە حالىقارالىق وليمپيادالارعا بەلسەندى قاتىسادى: 600-گە جۋىق وقۋشى جەڭىمپاز جانە جۇلدەگەر اتاندى، 358-ءى عىلىمي جارىستار مەن كونكۋرستاردا جەڭىسكە جەتتى.

نازارباەۆ زياتكەرلىك مەكتەبىنىڭ ءبىلىم بەرۋ تاجىريبەسىن قالالىق مەكتەپتەرگە تاراتۋ مەن بارلىق وقۋشىلار ءۇشىن نزم تەحنولوگيالارىنىڭ قولجەتىمدىلىگىن ارتتىرۋ ماسەلەسىنە ەرەكشە نازار اۋدارىلدى. 23 جەتەكشى مەكتەپ نزم جۇيەسى بويىنشا ساباق بەرۋگە كوشتى. الماتى اكىمدىگىنىڭ باستاماسىمەن 2019 جىلدىڭ قىركۇيەك ايىنان باستاپ پيلوتتىق جوبا اياسىندا نزم ستاندارتتارى قالانىڭ شالعايداعى 8  مەكتەبىندە ەنگىزىلىپ وتىر. №7، №195، №186، №193، №184 مەكتەپتەردە سەمينارلار، ماستەر-كلاستار، اشىق ساباقتار ۇيىمداستىرىلدى.

سونىمەن قاتار دارىندى وقۋشىلاردى قولداۋدىڭ جاڭا شارالارىن ەنگىزۋ، سونداي-اق ءبىلىم بەرۋ قىزمەتىنە، اسىرەسە فيزيكا-ماتەماتيكالىق، ينجەنەرلىك باعىتتار بويىنشا جانە حيميا، روبوتوتەحنيكا، باعدارلامالاۋ سالاسىندا جاڭا IT شەشىمدەرىن ەنگىزۋدىڭ كەلەشەگى تالقىلاندى. بۇل شارالار وقۋشىلاردىڭ باسەكەگە قابىلەتتىلىگىن ارتتىرۋعا جانە ەڭبەك نارىعىنىڭ وزگەرمەلى تالاپتارىنا دايىنداۋعا مۇمكىندىك بەرەدى.

تالقىلاۋ قورىتىندىسى بويىنشا اكىمنىڭ ورىنباسارى، الماتى قالاسىنداعى فيزيكا-ماتەماتيكالىق باعىتتاعى نازارباەۆ زياتكەرلىك مەكتەبى قامقورشىلىق كەڭەسىنىڭ توراعاسى ە.باباقۇماروۆ قازاقستاننىڭ تۇڭعىش پرەزيدەنتى – ەلباسى ن. نازارباەۆ اتىنداعى مەكتەپتەردە ۇلتتىق ءبىلىم بەرۋ ساپاسىن ارتتىرۋ ءۇشىن بارلىق جاعداي جاسالعانىن اتاپ ءوتتى. قالا اكىمدىگى ءوز كەزەگىندە ءبىلىم بەرۋ ينفراقۇرىلىمىنىڭ ساپاسىن ودان ءارى جاقسارتۋ بويىنشا قاجەتتى قولداۋ شارالارىن كورسەتەدى.

سونىمەن قاتار قامقورشىلىق كەڭەس مۇشەلەرى مەكتەپتىڭ كابينەتتىك قورى مەن عىلىمي بازاسىنىڭ جۇمىسىن تەكسەرىپ، زەرتحانالار، فيزيكا، حيميا، روبوتوتەحنيكا كابينەتتەرى، وقۋ تەلەستۋدياسى، ورانجەرەيا، كىتاپحانالاردى كورىپ شىقتى.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار