«كوندومينيۋم نىسانىن باسقارۋ ورگاندارىنىڭ قىزمەتىن رەتتەۋ ماقساتىندا ء«بىر ءۇي – ءبىر بىرلەستىك – ءبىر شوت» قاعيداتى بويىنشا م ۇلىك يەلەرىنىڭ بىرلەستىگى كوممەرتسيالىق ەمەس ۇيىمىنىڭ جاڭا فورماسى قۇرىلدى. ول ءاربىر ءۇيدى باسقارۋدا جەكە ءادىس قولدانۋدى كوزدەيدى. سونداي-اق تۇرعىندارعا اقشا ءتۇسىمىن جانە ولاردىڭ جۇمسالۋىن مونيتورينگىلەۋ مۇمكىندىگىمەن ءوز ءۇيىن ۇستاۋعا قاراجات جيناۋعا مۇمكىندىك بەرەدى», - دەدى مەيىرجان وتىنشيەۆ.
ەگەر بۇرىن پيك, كت, پيتك, جشس جانە ت.ب. باسقارۋ ورگاندارى بىرنەشە ءۇيدى باسقارىپ, بارلىق ۇيگە ءبىر شوت ۇستاسا, ەندى بۇل ۇيىمدار ءۇي كەڭەسىمەن الماسادى. ءۇش مەنشىك يەسىنەن تۇراتىن كەڭەس ءار اي سايىن تۇرعىندار الدىندا ەسەپ بەرەتىن بولادى.
م ۇلىك يەلەرىنىڭ بىرلەستىگى (ميب) – زاڭدى تۇلعا. ونى باسقاراتىن توراعا مەنشىك يەلەرى قاتارىنان ءبىر جىلعا سايلانادى. بۇل رەتتە, شتاتتا اۋلا سىپىرۋشىلار, ەلەكتريكتەر, سانتەحنيكتەر سياقتى قىزمەتكەرلەر بولمايدى. بۇلاردىڭ قىزمەتىن شارت بويىنشا سەرۆيستىك قىزمەت كورسەتەتىن ۇيىمدار ورىندايدى.
قاراپايىم سەرىكتەستىك (پت) – زاڭدى تۇلعا بولماي-اق بارلىق مەنشىك يەلەرىمەن تىكەلەي بىرلەسىپ باسقارۋ, ياعني مەنشىك يەلەرى جارنالاردى اقشالاي نەمەسە ەڭبەك سالىمى ارقىلى ەنگىزەدى.
«بۇل رەتتە مەنشىك يەلەرى ءوز قۇرامىنان بارلىق مەنشىك يەلەرى بەرگەن قاراپايىم جازباشا سەنىمحات نەگىزىندە سەنىمدى تۇلعانى انىقتاي الادى», - دەيدى تۇرعىن ءۇي ساياساتى باسقارماسى باسشىسىنىڭ ورىنباسارى.
جاڭا باسقارۋ نىسانىنا وتە وتىرىپ مەنشىك يەلەرى وزىنە تيەسىلى پاتەر اۋىرتپالىعىن كوتەرەدى, تۇرعىن ەمەس ءۇي-جايدىڭ, سونداي-اق كوندومينيۋم نىسانىنىڭ ورتاق مۇلكىنە جاۋاپكەرشىلىكتى ءوز موينىنا الادى. وسىعان بايلانىستى ميب توراعاسى قاراپايىم سەرىكتەستىكتىڭ سەنىم بىلدىرگەن ادامى ەكىنشى دەڭگەيدەگى بانكتەردە اعىمداعى جانە جيناق شوتتارىن اشادى.
وسىلايشا الماتىدا 900 پيك-ءتىڭ ورنىنا 8,4 مىڭنان استام باسقارۋ ورگاندارى پايدا بولادى. سونىمەن قاتار, مەنشىك يەلەرى ءبىر جىلدىڭ ىشىندە ءۇي كەڭەسىن سايلاۋ جانە كوندومينيۋم نىسانىن باسقارۋ فورماسىن تاڭداۋ ءۇشىن جينالىس وتكىزۋى ءتيىس.
قولدانىستاعى پيك, كت, پيتك 2022 جىلدىڭ 1 شىلدەسىنە دەيىن باسقارۋ جونىندەگى قىزمەتتى جۇزەگە اسىرۋعا قۇقىلى. سونىمەن قاتار ءبىر مەزگىلدە باسقارۋشى نەمەسە سەرۆيستىك كومپانيالارعا تاراتۋ نەمەسە قايتا ۇيىمداستىرۋ ءراسىمىن دە جۇرگىزە الادى.
