الەم • 13 اقپان، 2020

وزبەكستاندا ماحاللا جانە وتباسى ىستەرى مينيسترلىگى قۇرىلادى

75 رەتكورسەتىلدى

Podrobno.uz  باسىلىمى  «كەشە وزبەكستان پرەزيدەنتى وتكىزگەن ماحاللا ينستيتۋتىن جەتىلدىرۋ تۋرالى ۆيدەوكونفەرەنتسيا  كەزىندە جاڭا مينيستردىكتىڭ قۇزىرەتى تۋرالى جان جاقتى ءتۇسىندىردى» دەپ حابارلادى. 

جاڭا مينيسترلىك 40 مىڭنان استام رەسپۋبليكالىق دەڭگەيدەگى ماحاللالار مەن دەپارتامەنتتەردىڭ جۇمىسشىلارىن بىرىكتىرەدى، ولاردىڭ ورتاق ماقسات ءۇشىن بىرىككەن جانە ۇيلەسىمدى جۇمىسىن قامتاماسىز ەتەدى.

قىسقاسى، جەردەگى ماسەلەلەردى شەشۋدىڭ ءبىرتۇتاس جانە ءتيىمدى تىك جۇيەسى قۇرىلادى.

باسىلىم حابارلاعانداي، ءمينيستردىڭ ءبىرىنشى ورىنباسارى وتباسى، ايەلدەر جانە الەۋمەتتىك-رۋحاني ورتا ماسەلەلەرىنە جاۋاپ بەرەدى. تاعى ءبىر ورىنباسارى  قارتتاردى الەۋمەتتىك قولداۋ، جاستاردى پاتريوتيزم رۋحىندا تاربيەلەۋ ماسەلەلەرىمەن اينالىسادى.

وتباسىلىق كاسىپكەرلىكتى جانە شاعىن بيزنەستى، ءۇي شارۋاشىلىعىن جانە كوگالداندىرۋدى، ەكولوگيالىق ماسەلەلەردى جانە جۇمىسپەن قامتۋدى ىنتالاندىرۋ جونىندەگى ورىنباسار لاۋازىمى ەنگىزىلەدى.

جاڭا قۇرىلىمدا ايەلدەرمەن جانە كوپ بالالى وتباسىلارمەن  جۇمىس ىستەۋگە باسىمدىق بەرىلەدى.

«ايەلدەر كوميتەتتەرىنىڭ جانە ماحاللالاردىڭ قىزمەتكەرلەرى جاڭا قۇرىلىمداعى قىزمەتىن جالعاستىرادى، ولاردىڭ مارتەبەسى، ەڭبەكاقى تولەۋ شارتتارى جانە ماتەريالدىق ىنتالاندىرۋ ايتارلىقتاي ارتادى» دەيدى «Podrobno.uz»    باسىلىمى.

سوڭعى جاڭالىقتار

ۇقساس جاڭالىقتار