2020 جىلى 13 اقپاندا الماتىنىڭ حالىقارالىق اۋەجايىنا قىتايدان 211 جولاۋشىسى بار رەيس كەلدى. ونىڭ ىشىندە قازاقستاننىڭ 171, قىرعىزستان 40 ازاماتى بار.
بۇل – قحر-دا كوروناۆيرۋستى ينفەكتسيانىڭ شىعۋىنا بايلانىستى قر ازاماتتارىن كوشىرەتىن سوڭعى رەيس.
كەلگەندەردىڭ جاعدايى قاناعاتتانارلىق. الماتى اۋەجايىنا تابانى تيگەن قازاقستاندىقتار جۇقپالى اۋرۋلار ەمحانالارىنا جەتكىزىلدى. قىرعىزستان ازاماتتارى قىرعىز تاراپىنا بەرىلدى جانە قىرعىز رەسپۋبليكاسىنىڭ اۋماعىنا جەتكىزىلدى.
كارانتين جاريالانعان جەردەن كەلگەن جولاۋشىلار جۇقپالى اۋرۋلار ەمحاناسىنىڭ اۋماعىنداعى مامانداندىرىلعان بوكستارعا وقشاۋلاندى.
سانيتارلىق جانە شەكارا قىزمەتىنىڭ قىزمەتكەرلەرى, ەكيپاج, مەديتسينا قىزمەتكەرلەرى ۇشاقتى اۋەجاي اۋماعىنداعى جەكە ايماققا وتىرعىزۋ كەزىندە, سونداي-اق پاتسيەنتتەردى جەكە باعىت بويىنشا وقشاۋلاۋ جانە كارانتيندەۋ پروتسەسىندە كوروناۆيرۋستى ينفەكتسيالاردىڭ تارالۋىنا جول بەرمەۋ ءۇشىن بارلىق ەپيدەمياعا قارسى شارالاردى ساقتاعانىن اتاپ وتكەن ءجون.
ۇشاق بورتىندا جولاۋشىلار تەرمومەتريا ءادىسى بويىنشا ءۇش كەزەڭنەن تۇراتىن تەكسەرۋدەن ءوتتى.
جۇقپالى اۋرۋلار اۋرۋحاناسىنىڭ اۋماعىنا كەلگەندەرگە بارلىق قاجەتتى جاعدايلار جاسالعان. مەديتسينالىق ۇيىمدار ءدارى-دارمەكتەردىڭ جانە ەپيدەمياعا قارسى قورعانۋ قۇرالدارمەن جەتكىلىكتى تۇردە قامتاماسىز ەتىلگەن.
جالپى, بۇگىنگى كۇنى الەمدە 45 188 كوروناۆيرۋستى ينفەكتسيا جاعدايى تىركەلگەن.
الماتىدا جاعداي تۇراقتى, كوروناۆيرۋستى جۇقتىرۋ وقيعاسى جوق. جاعداي بيلىكتىڭ باقىلاۋىندا. وڭىرلىك شتاب كوروناۆيرۋستى ينفەكتسيانىڭ تارالۋىنىڭ الدىن الۋ بويىنشا كۇشەيتىلگەن شارالاردى ىسكە اسىرىپ وتىر.
بارلىق حالىقارالىق رەيستەر بويىنشا ۆيرۋستىق ينفەكتسيالاردىڭ الدىن الۋ جانە دياگنوستيكالاۋ جونىندەگى ەپيدەمياعا قارسى شارالار باقىلاۋعا الىنعان.
كوروناۆيرۋس ماسەلەلەرى بويىنشا قازاقستان اۋماعىندا 1406 ءنومىرى بويىنشا تاۋلىك بويى call-ورتالىق جۇمىس ىستەيدى.
سونىمەن قاتار, اتالعان رەيسكە كەلگەندەردىڭ ماسەلەلەرى بويىنشا الماتىدا 8 707 677 71 68, 8 771 404 54 65 نومىرلەرى بويىنشا «جەدەل جەلى» جۇمىسى ۇيىمداستىرىلدى.
