«التىن قالامدى» تابىستاۋ راسىمىندە ءسوز سويلەگەن ۇيىمداستىرۋشىلاردىڭ ءبىرى كەنجە جۇمان ۇلى اتالعان سىيلىق بۇگىنگى زامان ادەبيەتىن دامىتۋعا ەلەۋلى ۇلەس قوسقان قالامگەرلەرگە بەرىلەتىندىگىن جەتكىزدى. ءارى ۇزدىكتەرگە ارنالعان ءمۇسىندى «ەلداني» قايىرىمدىلىق قورىنىڭ ساندىك-قولدانبالى شەبەرحاناسىندا مۇمكىندىگى شەكتەۋلى جانداردىڭ دايىنداعانىنا كوپشىلىكتىڭ نازارىن اۋداردى. جەڭىمپازدارعا سىيلىق رەتىندە تاڭداپ الىنعان مۇسىندە ءبىلىم مەن كۇش-قۋاتتىڭ سيمۆولى رەتىندە كىتاپتى باسىنان جوعارى كوتەرگەن ايەل بەينەلەنگەن.
جەڭىمپازدار الەمدىك ەكونوميكا جانە ساياسات ينستيتۋتىنىڭ الەۋمەتتانۋشىسى ايمان ءجۇسىپوۆا جەتەكشىلىك ەتكەن الەۋمەتتىك زەرتتەۋدىڭ قورىتىندىسى بويىنشا انىقتالعان. زەرتتەۋگە ادەبيەت, عىلىم, بيزنەس سالاسىنداعى بەدەلدى 70-دەن استام ساراپشى قاتىسىپ, قازاقستاندىق ادەبيەتتىڭ دامۋ بارىسى مەن بۇگىنگى كىتاپ نارىعىنىڭ جاعدايىنا بايلانىستى جەكە پىكىرلەرىن ءبىلدىردى. جەڭىمپازدار قاتارىندا: جىلدىڭ ۇزدىك باسپاسى - دوسىم ساتپاەۆ; جىلدىڭ ادەبي دەبيۋتى - ەرجان راشەۆ. «چەلوۆەك نا بالكونە. دنەۆنيك الماتينسكوگو لازۋرا»; كiتاپ like (وقىرماندار تاڭداۋى) - «چەرنايا زۆەزدا». اۆتورى يۋري سەرەبريانسكي, باقىتجان مومىش ۇلى; الەۋمەتتىك مانگە يە تاقىرىپقا ارنالعان ۇزدىك شىعارما - «جيۆايا پاميات. ستالينيزم ۆ كازاحستانە – پروشلوە. پاميات. پرەودولەنيە». كوللەكتيۆنايا مونوگرافيا; جىلدىڭ ۇزدىك مەتسەناتى (ادەبيەتكە كورسەتكەن قولداۋى ءۇشىن) – دوسىم ساتپاەۆ. شارانىڭ وتۋىنە «ZHERSU» ينۆەستيتسيالىق-وندىرىستىك كورپوراتسياسى, «قازاقستان ءباسپاسوز كلۋبى», قازاقستان مەديا اكادەمياسى مەن بىرنەشە باق قولداۋ كورسەتكەن.
ماراپاتتاۋ شاراسىندا قاتىسۋشىلار قازىرگى زامانعى ادەبيەت ءومىرىمىزدىڭ, تۇرمىس-تىرشىلىگىمىزدىڭ ايناسى ەكەنىنە توقتالىپ, كىتاپ وقۋ مادەنيەتىنە قاتىستى ءوز پىكىرلەرىن ءبىلدىردى.
