جاس كاسىپكەرلەر الدىندا ءسوز سويلەگەن الماتى قالاسى كاسىپكەرلەر پالاتاسىنىڭ ديرەكتورى ن. ابىلشايىقوۆ بۇگىندە الماتىلىقتاردىڭ 46 پايىزى 30 جاستان تومەنگى جاستار بولسا, ولاردىڭ 215 مىڭى 41 جوعارى وقۋ ورنىندا جانە 78 كوللەدجدە وقيتىن ستۋدەنتتەر ەكەندىگىن اتاپ ءوتتى. ن. ابىلشايىقوۆ سونىمەن قاتار «QS World Universites Ranking 2020» ۆەرسياسى بويىنشا الەمنىڭ ۇزدىك ۋنيسۆەرسيتەتتەرىنىڭ قاتارىنا كىرەتىن 10 جوو-نىڭ 6-ۋى وڭتۇستك استانادا شوعىرلانعاندىعىنا توقتالىپ, الماتى سياقتى ەل ەكونوميكاسىنىڭ قارجى درايۆەرى ورتالىعى ءۇشىن الداعى ۋاقىتتا كاسىپكەرلىكتى مەڭگەرگەن جاستارعا دەگەن سۇرانىستىڭ ارتا تۇسەتىندىگىن جەتكىزدى.
«الماتى قالاسى ەلىمىز ەكونوميكاسىنىڭ قوزعاۋشى كۇشى رەتىندە قارجى, ساۋدا بەلسەندىلىگىمەن الدا كەلەدى. وتكەن جىلى قازاقستان Doing Business رەيتينگىندە 28-ءشى ورىننان 25-ءىنشى ورىنعا كوتەرىلدى. الماتى الەمدىك ەكونوميكانىڭ 60 پايىزىن قۇراپ وتىرعان 600 ەلدىڭ قاتارىنا كىرەدى. دەسەك تە ەكونوميكالىق ءوسىمدى بىلىكتى ماماندارسىز قامتاماسىز ەتۋ مۇمكىن ەمەس. وسى ورايدا «جول كارتاسى» دۋالدى وقىتۋ باعدارلاماسى اياسىندا مامانداردىڭ بىلىكتىلىگىن ارتتىرۋ ماقساتىندا 29 كوللەدج بەن 215 كاسىپورىن اراسىندا 2649 ءۇش جاقتى كەلىسىمدەر جاسالعان. وندا 31 ماماندىق 50 بىلىكتىلىك بويىنشا وقىتىلادى. جۇمىسشى مامانداردىڭ جەتىسپەۋشىلىگىن قامتاماسىز ەتۋ ماقساتىندا ەكى مىڭعا جۋىق كاسىپكەرلەر اراسىندا ساۋالناما جۇرگىزىلىپ, 14 مىڭ ماماندىققا سۇرانىستىڭ جوعارى ەكەنى انىقتالعان. ساۋدا جانە قىزمەت كورسەتۋ سالاسىندا -21%, بايلانىس, IT - 20 %, كولىك, لوگيستيكادا -17%. بۇگىندە قر ۇكپ رەەسترىنە ەنگەن 16 سەرتيفيكاتتاۋ ورتالىعى الماتىدا ورنالاسقان. 2019 جىلى سەرتيفيكاتتاۋ ورتالىعىندا 12,1 مىڭ ادام ءبىلىم السا, ولاردىڭ 10,7 مىڭى كوللەدج تۇلەكتەرى بولىپ تابىلادى. جىل باسىنان بەرگى ارالىقتا جۇمىسسىز جانە ءوزىن-ءوزى جۇمىسپەن قامتىعاندار اراسىنان قىسقا مەرزىمدى ءبىلىمىن كوتەرۋگە ۇكپ ءبىلىم ۇيىمدارىنىڭ رەەسترىنە 74 وقۋورتالىعىن ەنگىزىلىپ, ولاردىڭ سانى 98-گە جەتىپ وتىر. بۇل وتكەن جىلمەن سالىستىرعاندا بەس ەسەگە كوپ.
«تۇران» ۋنيۆەرسيتەتىنىڭ پرورەكتورى قۋانىش تازابەكوۆ «وسى بەس كۇن ىشىندە وقۋشىلار مەن بيزنەس جوسپار قۇرۋ, بيزنەس ستراتەگيا ازىرلەۋ, تۇتىنۋشىلاردى تارتۋ سياقتى ستۋدەنتتەر كاسىپكەرلىك العىشارتتارىن يگەرەتىن بولادى. كوشباسشىلىق قاسيەتتەر مەن توپتا جۇمىس ىستەۋي بىلۋگە ىقپال ەتەتىن فەستيۆال ستۋدەنتتەر مەن جاستار اراسىندا كاسىپكەرلىكتى كەڭىنەن ناسيحاتتاۋعا مۇمكىندىك بەرەدى», دەپ اتاپ ءوتتى.
بيزنەس ترەنەرلەر فەستيۆال اياسىندا كاسىپكەرلىكتى قولداۋعا بايلانىستى ءارتۇرلى مۇمكىندىكتەر, قايدا ءبىلىم الۋ, قالاي دامۋ قاجەتتىگى تۋرالى كەڭەستەرىمەن بولىسەتىن بولادى.
فەستيۆال باعدارلاماسىندا «جاستار بيزنەس-جوباسى» باسەكەگە قابىلەتتىلىككە, الەۋمەتتىك جاۋاپكەرشىلىكتى, جەدەل ارەكەت ەتۋگە باۋليدى. جارىس ەكى كەزەڭدە وتەدى. فەستيۆال اياسىندا سونىمەن قاتار «اتامەكەن» ۇكپ «تۇران» ۋنيۆەرسيتەتى بازاسىندا كاسىپكەرلىك وقۋ ورتالىعىن اشۋدى جوسپارلاپ وتىر. فەستيۆال اياسىندا سونىمەن قاتار «Jas Kasipker» حالىقارالىق عىلىمي-تاجىريبەلىك كونفەرەنتسياسى, شەبەرلىك ساعاتتارى مەن ۆوركشوپتار جوسپارلانعان.
الماتى
