سوندىقتان جىل سايىن جاڭا جىل باستالعاندا ازاماتتتارعا ارنالعان ۇكىمەتتىڭ مايدان-كەڭسەلەرىنە اعىلاتىندار كوبەيەدى. سەبەبى مەملەكەتتىك قىزمەتشىلەر مەن زاڭدى تۇلعالار جىل سايىنعى سالىق ەسەپتىلىگىن تاپسىرۋ قاجەت. ول ءۇشىن كوپشىلىك مايدان-كەڭسەلەرگە (حقو) بارىپ, كەزەك كۇتۋشىلەر سانىن ارتتىرادى. دەكلاراتسيانى, سالىق ەسەپتىلىگىن ۇيدە نەمەسە جۇمىس ورنىندا وتىرىپ-اق, ەلەكتروندىق تسيفرلى قولتاڭبا, ياكي ساندىق قولتاڭبا ارقىلى تاپسىرۋعا بولاتىنىن كوپشىلىك بىلسە دە, ونى قۇنتتاي بەرمەيتىن سياقتى. ال, ەسق-نى پايدالانۋ تۇك تە قيىندىق تۋدىرمايدى.
ەتسق-نى قايدان الام دەيتىندەرگە, ازاماتتتارعا ارنالعان ۇكىمەتتىڭ كەز كەلگەن مايدان-كەڭسەسىنەن, سونداي-اق, ءدال وسى كۇندەرى, الماتى قالاسىنداعى بارلىق كىرىستەر باسقارمالارىنان الۋعا بولادى.
«الماتى قالاسىندا حالىققا قىزمەت كورسەتۋ ورتالىقتارىنا ەلەكتروندى تسيفرلىق قولتاڭبا الۋعا كەلگەندەر سانى كۇرت ارتقاندىقتان «ازاماتتارعا ارنالعان ۇكىمەت» مەملەكەتتىك كورپوراتسيانىڭ فيليالى مەملەكەتتىك كىرىس باسقارماسىمەن بىرلەسە وتىرىپ كورپوراتسيا قىزمەتكەرلەرىن وڭىرلىك كىرىس باسقارماسىنا باعىتتاۋ تۋرالى شەشىم قابىلداعان بولاتىن. وسىلايشا, ەندى كىرىس باسقارمالارىندا حقو ماماندارى ەسق جازىپ بەرىپ وتىر», - دەيدى «ازاماتتتارعا ارنالاعان ۇكىمەت» مك الماتى قالاسى فيليالىنىڭ قوعاممەن بايلانىس جونىندەگى مەنەدجەرى جاڭىل اپەتوۆا.
ەتسق الۋ ءۇشىن وزىمەن بىرگە جەكە كۋالىگى جانە فلەش تاسىعىشى بولۋى قاجەت.
بۇدان باسقا, ەتسق-نىڭ ارەكەت ەتۋ مەرزىمىن ۇلتتىق كۋالاندىرۋشى ورتالىقتىڭ pki.gov.kz سايتىندا جەكە كابينەتتە ۇزارتۋعا بولادى. ول ءۇشىن كەلەسىدەي ارەكەتتەردى ورىنداۋ قاجەت:
- قولدانىستاعى ەتسق قاتىستى بارلىق دەرەكتەردى تولتىرۋ;
- «كىلتتەر ءتىزىمىن جاڭارتۋ» باتىرماسىن باسىڭىز. ەتسق ءپارولىن دۇرىس ەنگىزگەن كەزدە اۋتەنتيفيكاتسيا كىلتى بەينەلەنەدى. قول قويۋ جانە جۇمىسقا كىرىسۋ;
- ەتسق كىلتتەرىمەن جۇمىس ىستەۋ ءۇشىن «مەنىڭ ەتسق كىلتتەرىم» باتىرماسىنا ءوتۋ قاجەت. شىققان مازىردەن «ەتسق قايتا شىعارۋ» ءبولىمىن تاڭداۋ قاجەت;
- سونان سوڭ نەگىزگى جولاقتاردى تولتىرىپ, ء«وتىنىم بەرۋ» تۇيمەسىن باسىپ, راستاۋ جانە قول قويۋ قاجەت;
- ەگەر ەتسق ساقتاۋ ءۇشىن كومپيۋتەر تاڭدالسا, ەتسق كىلتتەرىنە پارول ويلاپ, ەنگىزۋ جانە «سەرتيفيكاتتاردى جۇكتەۋ» باتىرماسىن باسۋ كەرەك;
- پارولدە تومەنگى جانە جوعارعى رەگيسترلەردىڭ لاتىن ارىپتەرى, سونداي-اق ساندار بولۋى ءتيىس. پارول كەم دەگەندە 6 تاڭبادان قۇرالعانى ءجون.
- «سەرتيفيكاتتاردى جۇكتەۋ» باتىرماسىن باسىڭىز. تىركەۋ كۋالىكتەرىنىڭ ءساتتى ورناتىلعانى تۋرالى حابارلايتىن تەرەزە پايدا بولادى.
ەتسق ارقىلى پورتالعا كىرەمىن دەسەڭىز, جۇيە سىزگە سەرتيفيكاتتى تاڭداۋدى ۇسىنادى. ەلەكتروندى كىلت قۇپياسوزى تولتىرىلعاننان كەيىن بارلىق مالىمەتتەر سايكەستەندىرىلەدى.
ەستەرىڭىزگە سالا كەتەيىك, ەتسق مەملەكەتتىك قىزمەتتەردى الۋ ءۇشىن سالىق تولەۋشىلەرگە قاجەت. ونىڭ كومەگىمەن قازاقستاندىقتار سالىقتىق ءوتىنىش بەرە الادى, ەسەپتىلىكتى تاپسىرا الادى جانە توقتاتا الادى, باقىلاۋ-كاسسالىق ماشينانى ەسەپكە الادى جانە تاعى باسقا ارەكەتتەردى جۇزەگە اسىرا الادى.
سونداي-اق بۇگىندە پورتالعا كىرۋدىڭ تاعى بىرنەشە جولى ىسكە قوسىلعانىن دا ايتا كەتكەنىمىز ءجون.
بۇل – ءبىر جولعى جاسىرىن ءسوز. بۇل ادىسپەن پورتالعا كىرۋ ءۇشىن جسن ءنومىرىن تەرىپ, ۇيالى تەلەفون ءنومىرىن تولتىرۋ قاجەت. اتالعان ءادىستى ءموبيلدى ازاماتتار بازاسىندا تىركەلگەندەر پايدالانا الادى.
سونداي-اق QR-كود – پورتالعا كىرۋ ءۇشىن جاسالعان جاڭا ءادىستىڭ ءبىرى. بۇل جولمەن پورتالعا سمارتفوندارىندا egov mobile قوسىمشاسى بارلار كىرە الادى. ەگەر وزىڭىزبەن بىرگە ەتسق بار فلەش-كارتا بولماسا, وسى ادىسپەن پورتالعا وڭاي كىرۋگە بولادى. Egov mobile قوسىمشاسىنان سكان بەلگىسى ارقىلى كومپيۋتەردە شىققان كودتى سكانەرلەپ, بىردەن قىزمەتتەردى پايدالانۋدى باستاي الاسىز.
وسىلايشا ۋاقىتىڭىزدى ۇنەمدەپ, بارلىق شارۋاڭىزدى ۇيدە وتىرىپ-اق بىتىرە بەرۋىڭىزگە بولادى. تسيفرلانۋدىڭ العاشقى شارتتارىنىڭ ءبىرى وسى.
