ايماقتار • 10 اقپان، 2020

تۇرعىن ءۇي قۇرىلىس جيناق بانكىنىڭ 1،2 ملن سالىمشىسى مەملەكەت سىياقىسىن الدى

59 رەت كورسەتىلدى

تۇرعىن ءۇي قۇرىلىس جيناق بانكى («بايتەرەك» ۇبح» اق-نىڭ ەنشىلەس ۇيىمى) كليەنتتەرىنىڭ دەپوزيتتەرىنە 2019 جىلى 38 ملرد تەڭگە ءتۇستى. تۇرعىن ءۇي قۇرىلىس جيناق بانكىنىڭ 1،2 ملن سالىمشىسى مەملەكەت سىياقىسىن الدى، دەپ حابارلادى اتالمىش بانكتىڭ ءباسپاسوز قىزمەتى.

تۇرعىن ءۇي قۇرىلىس جيناق بانكىنىڭ 274 مىڭنان استام كليەنتى 101 000 تەڭگەنى قۇرايتىن ەڭ جوعارى مەملەكەت سىياقىسىنا يە بولدى. 2019 جىلى ولار ءوز شوتتارىندا 505 000 تەڭگە، ياعني 200 اەك-كە تەڭ قاراجات جينادى. ال 200 ايلىق ەسەپتىك كورسەتكىشتەن جوعارى اقشا جيناعان سالىمشىلار سىياقى بەرىلمەگەن جيناق بولىگى بويىنشا مەملەكەتتىك سىياقىنى 2020 جىلدىڭ قورىتىندىسى ناتيجەسىندە الادى.

– تۇرعىن ءۇي قۇرىلىس جيناق جۇيەسىنە دەگەن سەنىم ەلىمىزدە جىل ساناپ ارتىپ كەلەدى. سوعان بايلانىستى تۇرعىن ءۇي قۇرىلىس جيناق بانكى سالىمشىلارىنىڭ سانى دا ۇلعايىپ كەلەدى. 2019 جىلى بانكتە 406 954 جاڭا دەپوزيت اشىلدى. زاڭ بويىنشا ولارعا مەملەكەت جىل سايىن سىياقى ءبولىپ وتىرادى. اتالعان بونۋس قازاقستاندىقتارعا باسپاناعا تەزىرەك قاراجات جيناپ، قونىس تويلارىن تويلاۋعا كومەكتەسەدى. تۇرعىن ءۇي قۇرىلىس جيناق بانكىنىڭ سالىمدارى بانك سىياقىسىن قوسقاندا – نارىقتاعى ەڭ تابىستى دەپوزيت. جىلدىق ءتيىمدى سىياقى مولشەرلەمەسىنىڭ كولەمى 14%-عا دەيىن جەتەدى، – دەيدى تۇرعىن ءۇي قۇرىلىس جيناق بانكىنىڭ باسقارما ءتورايىمى ءلاززات يبراگيموۆا.

2019 جىلدىڭ قورىتىندىسى بويىنشا مەملەكەت 1،2 ملن قازاقستاندىق ازاماتتىڭ سالىمدارىن ارتتىرۋعا كومەكتەستى. سالىستىرمالى تۇردە قاراستىرساق، 2018 جىلى تۇرعىن ءۇي قۇرىلىس جيناق بانكىنىڭ 1 036 841 سالىمشىسى، ال 2017 جىلى  896 620 كليەنتى مەملەكەت سىياقىسىن العان بولاتىن.

اعىمداعى جىلى ەڭ جوعارى مەملەكەت سىياقىسىنىڭ مولشەرى 106 040 تەڭگەنى قۇرايدى. ونى الۋ ءۇشىن بانكتەگى شوتىڭىزدى ءبىر جىل ىشىندە كەم دەگەندە 530 200 تەڭگەگە (200 اەك) تولتىرۋ كەرەك. ورتا ەسەپپەن سالىمشىلار دەپوزيتتەرىنە اي سايىن 44 000 تەڭگەدەن سالىپ وتىرعاندارى ابزال.

 

الماتى

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار