ايماقتار • 10 اقپان، 2020

جۇرەگىن تەكسەرۋدى قاجەت ەتەتىندەردىڭ 52،4% عانا كارديوسكرينينگتەن ءوتتى

86 رەت كورسەتىلدى

ەلىمىزدە اۆتوماتتاندىرىلعان «پوليكلينيكا» اقپاراتتىق جۇيەسى دەرەكتەرى بويىنشا، 2019 جىلدىڭ ءبىرىنشى جارتىجىلدىعىندا ۇسىنىس بەرىلگەن 1 655 340 ازاماتتىڭ ىشىنەن تەك 52،4% عانا قان اينالىمى جۇيەسىنىڭ اۋرۋلارىن انىقتايتىن تەكسەرۋدەن ءوتتى. تەكسەرىلگەندەردىڭ اراسىنان 52 488 ادامدا جۇرەك-قان تامىرلارىنىڭ اۋرۋلارى انىقتالدى. ولاردىڭ ىشىندە 41 158  ازامات ديسپانسەرلىك باقىلاۋعا الىندى.

جۇرەك جانە قان تامىرلار اۋرۋلارىن انىقتاۋ ءۇشىن سكرينينگتەن وتۋگە ۇسىنىس بەرىلگەندەردىڭ رەسپۋبليكا بويىنشا باسىم بولىگىن، ياعني 188 218 ادام الماتىدا تۇرادى.

باتىس قازاقستان وبلىسىنىڭ تۇرعىندارى تەكسەرىلۋگە ۇلكەن جاۋاپكەرشىلىكپەن قارادى. سكرينينگ وتۋگە ءتيىستى 64 221 ازامات اراسىنان 42 603 ادام تەكسەرۋدەن ءوتتى. تەكسەرىلگەندەردىڭ ىشىنەن 9،95% جۇرەك اۋرۋلارى انىقتالدى.

جۇرەك اۋرۋلارىمەن بايلانىستى دەرتى بار ازاماتتار كوبىنە قاراعاندى وبلىسىندا انىقتالدى – مەديتسينالىق تەكسەرۋدەن ءوتۋ كورسەتكىشى –10،9%. ەڭ تومەن كورسەتكىشتى سولتۇستىك قازاقستان وبلىسىنىڭ ازاماتتارى كورسەتتى – 3،03%.  

جۇرەك-قان تامىرلارىنىڭ اۋرۋلارى قازىر بۇكىل الەمدە ءولىم-جىتىمگە جەتەلەيتىن ەڭ كوپ تارالعان سەبەپتەردىڭ ءبىرى. دۇنيەجۇزىلىك دەنساۋلىق ساقتاۋ ۇيىمىنىڭ دەرەگى بويىنشا، 2016 جىلى جۇرەك-قان تامىرلارى اۋرۋلارىنىڭ سالدارىنان 17،9 ميلليون ادام قازا تاپتى. بۇل الەمدەگى ءولىم-ءجىتىم كورسەتكىشىنەن 31% قۇرايدى.

جۇرەك-قان تامىرلارى كەسەلدەرىنىڭ كوپشىلىگىن، ياعني تەمەكى شەگۋ، دۇرىس تاماقتانباۋ، سەمىزدىك، دەنە قيىمىلىنىڭ جوقتىعى جانە شامادان تىس ىشىمدىك ءىشۋ سياقتى تاۋەكەل فاكتورلارىن ازايتۋ ارقىلى الدىن الۋعا بولادى. جۇرەك-قان تامىرلارى دەرتىنە شىلدىققان نەمەسە بۇل اۋرۋلاردىڭ پايدا بولۋ قاۋپى جوعارى ادامدار ەمدەلۋدەن ءوتۋدى جانە اۋرۋلاردى ەرتە ساتىسىندا انىقتاۋدى، كەرەك كەزىندە ەمدەۋ جازىپ بەرۋدى قاجەت ەتەدى.

كارديولوگيالىق دياگنوستيكا – بۇل جۇرەك-قان تامىرلار جۇيەسىنىڭ پاتولوگيالارىن جانە ولاردىڭ دامۋىنا بەيىمدىلىگىن انىقتايتىن مەديتسينالىق شارالار جيىنتىعى. جۇرەك-قان تامىرلارى اۋرۋلارىنىڭ نەگىزگى بەلگىلەرى: ەنتىگۋ، فيزيكالىق جاتتىعۋلارعا شىداماۋ، قان قىسىمىنىڭ جوعارىلاۋى، تەرىنىڭ ءىسۋى، جۇرەك اۋرۋى، بىركەلكى ەمەس جەدەل جۇرەك قاعىسى سىندى بولىپ كەلەدى.

ۋاقىتىندا جاسالعان دياگنوستيكا دەنساۋلىقتاعى كىناراتتى ەرتە اسقىندىرماي انىقتاپ، ءتيىمدى ەمدەۋ جوسپارىن تاڭداۋعا كومەكتەسەدى.

«جۇرەك-قان تامىرلارى اۋرۋلارىنىڭ ەڭ قاۋىپتى جاعى – ولار ەش بەلگىسىز داميدى. سوندىقتان ۇنەمى دياگنوستيكادان ءوتۋ وتە ماڭىزدى. اسىرەسە تۇقىم قۋالايتىن اۋرۋلار نەمەسە كۇمان تۋعىزاتىن بەلگىلەر بولسا دەنساۋلىقتى ەكى ەسە مۇقيات كۇتۋ قاجەت»، – دەيدى Anadolu ەمحاناسىنىڭ كارديولوگيا جانە كارديوحيرۋرگيا ءبولىمىنىڭ مەڭگەرۋشىسى، پروفەسسور حاشيم ۋستيۋنسوي.

«دياگنوز ۋاقىتىلى قويىلعان جاعدايدا، كارديولوگيالىق اۋرۋلار ءساتتى ەمدەلەدى: زاماناۋي تەحنولوگيالاردىڭ ارقاسىندا بىزدە تيتتەي عانا كەسىكپەن جۇرەك جانە قان تامىرلارعا كۇردەلى وتالاردى اسەرلى جاساۋ مۇمكىندىگى بار. اتاپ ايتساق، كوپتەگەن وتالار دا ۆينچي روبوتىن پايدالانۋ ارقىلى جاسالادى»، - دەيدى دارىگەر.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار