ايماقتار • 10 اقپان، 2020

الماتى: قاڭتار ايىندا 11 مىڭ ادام eGovmobile قوسىمشاسىنا تىركەلدى

35 رەت كورسەتىلدى

بيىل، ياعني 2020 جىلدىڭ قاڭتارىندا 11 مىڭ ادام eGovmobile قوسىمشاسىنا تىركەلگەن. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ءباسپاسوز قىزمەتى مالىمدەدى.

بۇگىندە كەرەكتى دەرەكتى eGov mobile ارقىلى الۋ حقو ۇزىن سونار كەزەكتە تۇرعانمەن سالىستىرعاندا ايتارلىقتاي ىڭعايلى. ويتكەنى ۋاقىتتى ەداۋىر ۇنەمدەيدى. 2020 جىلدىڭ قاڭتارىندا قوسىمشاعا 11 مىڭ ادام تىركەلدى.

«بۇل كورسەتكىش ازىرلەنگەن قوسىمشانىڭ حالىق اراسىندا ىڭعايلىعىنا بايلانىستى تانىمالدىلىعىنىڭ ارتىپ كەلە جاتقاندىعىن بايقاتادى. ءبىز قىزمەتتەردى جاڭا موبيلدىك قوسىمشاعا كوشىرىپ قانا قويماي، تۇسىنىكتى ءارى قولايلى ەتۋ ءۇشىن قايتا ويلاستىرىپ جاتىرمىز. ەندى قىزمەتتەر الۋ بارىسىندا سىزگە جەكە دەرەكتەرىڭىزدى قايتالاپ ەنگىزىپ وتىرۋدىڭ قاجەتى جوق، دەرەكتەر اۆتوماتتى تۇردە ساقتالىپ eGov-عى جەكە كابينەتتەن تولتىرىلاتىن بولادى»، – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.

سونىمەن قاتار eGov mobile قوسىمشاسى ەتسق 4 ساندىق PIN كودقا جانە ءسىزدىڭ قۇرىلعىڭىزعا ورناتىلعان بيومەترياعا (Face ID، Touch ID) تىركەپ قويۋعا مۇمكىندىك بەرەدى. ەتسق PIN كود پەن بيومەترياعا ءبىر رەت تىركەلگەن سوڭ ەتسق تاڭداۋعا جانە قىزمەت العان سايىن قايتالاپ اۆتوريزاتسيا جاساۋعا الاڭداماسا دا بولادى. ال، بەتا-نۇسقاسىندا eGov ءموبيلدى قوسىمشاسى ارقىلى ءسىزدىڭ قۇجاتتارىڭىزدىڭ ەلەكتروندىق نۇسقالارىن ۇسىناتىن «تسيفرلى قۇجاتتار» قوسىمشاسى قول جەتىمدى. تسيفرلى قۇجاتتارمەن Egov mobile ارقىلى مەسسەندجەردە بولىسۋگە بولادى. اتالمىش فۋنكتسيونال مەسسەندجەر نەمەسە ەلەكتروندى پوشتا ارقىلى ءوزىڭىزدىڭ ەلەكتروندىق قۇجاتتارىڭىزدى باسقالارعا جىبەرۋگە مۇمكىندىك بەرەدى.

ەGov mobile قوسىمشاسىن AppStore جانە Google Play-دەن جۇكتەۋگە بولادى.

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار