ادىستەمەلىك قۇرال بالالار مەن جاسوسپىرىمدەردىڭ قاتارلاستارىمەن, وتباسىمەن, ۇستازدارمەن, ۇلكەندەرمەن قارىم-قاتىناسىن جاقسارتۋعا كومەكتەسەدى. قازىر وقۋشىلار اراسىندا ءتۇرلى مىنەز-ق ۇلىقتاعى, جان-دۇنيەسى سان الۋان كوپ ەكەنى بەلگىلى. جيناقتا ولارعا مامان رەتىندە قالاي كومەك بەرۋ بولاتىندىعى كورىنىس تاپقان. كىتاپتار اعىلشىن تىلىنەن اۋدارىلعان. اۆتورلارى الەمگە ءمالىم تاجىريبەلى پسيحولوگتار.
وقۋ قۇرالدارى «ومىرلىك داعدىلاردى قالىپتاستىرۋ جانە بالالاردىڭ الەۋمەتتىك دامۋى» جوباسى اياسىندا بەرىلدى. ونى «Bilim Foundation» ء(بىلىم فوندەيشن) قوعامدىق قورى جۇزەگە اسىرىپ وتىر. اقمولا وبلىسىنا ارقايسىسى 17 كىتاپتار تۇراتىن 524 جيناق تابىستالدى. ولاردى مەكتەپتەرگە تاراتۋ ماقساتىندا ءبىلىم باسقارماسى مەن قوعامدىق قور اراسىندا كەلىسىمگە قول قويىلدى.
– كىتاپتىڭ ءوزىنىڭ بەلگىلى ءبىر ماقساتى بار. مىسالى, بالالاردىڭ اراسىندا كوپتەپ كەزدەسەتىن ۇرەي, سترەسس, دەپرەسسيا ءتارىزدى ماسەلەلەردى ايقىن اشىپ كورسەتەتىن قۇرالداردىڭ وسىنداي كەلەڭسىزدىكتەردىڭ الدىن الۋعا اسەرى مول بولماق. سوندىقتان بۇل وبلىستىڭ پەداگوگ-پسيحولوگتارىنىڭ قاجەتتى قۇرالى-جابدىقتارى بولىپ تابىلادى,– دەيدى «Bilim foundation» قوعامدىق قورىنىڭ باسقارۋشى ديرەكتورى بەرىك راقىشەۆ.
