ايماقتار • 10 اقپان، 2020

جەر يگەرىلسە، يگىلىك مولايادى

24 رەتكورسەتىلدى

سۋلى، نۋلى قورعالجىن اۋدانىندا 157 مىڭ گەكتار جەر ماقساتقا ساي پايدالانىلماي وتىر.

اۋدان اۋماعى 931 097 گەكتار جەردى قۇرايدى. ەگىستىك كولەمى 200 مىڭ گەكتارعا جۋىق، ال، جايىلىمى 381 704 مىڭ گەكتار شاماسىندا. مۇندا اسىرەسە، شابىندىقتار مول. ناقتىلاپ ايتاتىن بولساق، 637 2016 گەكتار القاپ. وسىنىڭ وزىندە 157 مىڭ گەكتار جەر ماقساتقا ساي پايدالانباي، بوس جاتقانى انىقتالدى. ونىڭ 24 مىڭ گەكتارى ۇكىمەتكە كەرى قايتارىلدى. قالعان جەرلەر بويىنشا قوجايىندارى تابىلىپ، ءتيىستى ەسكەرتۋلەر بەرىلدى.

ءوڭىر ەكونوميكاسىن دامىتۋ ماقساتىندا قورعالجىن اۋدانىنىڭ 123 463 گەكتار جەرىنە ءداندى داقىلدار سەبىلىپ، ونىڭ 110 مىڭنان استام گەكتارى ورىلعان. ءار گەكتاردان ورتاشا ەسەپپەن 7،4 تسەنتنەر ءونىم الىندى. جوسپارلانعان 60 500 توننا ءشوپ كولەمى تولىعىمەن 100 پروتسەنتكە ورىندالعان.

– بيىل اۋا رايىنىڭ قولايسىزدىعىنا بايلانىستى ەگىن شارۋاشىلىعىندا كەيبىر قيىندىقتار تۋىندادى. بىراق سوعان قاراماستان، كەلەسى جىلعا تۇقىمدى استىق پەن تەحنيكامىزدى ساقاداي ساي دايىنداپ وتىرمىز،– دەيدى اۋدان اكىمى بەرىك جانباەۆ.

ۇكىمەت تاراپىنان كورسەتىلىپ جاتقان جان-جاقتى قولداۋدىڭ ارقاسىندا قورعالجىن اۋدانىنىڭ مال شارۋاشىلىعى دامىپ، مال باسى ساپاسىن جاقسارتۋ كورسەتكىشتەرى ارتۋدا. بۇگىندە اۋدان بويىنشا 22 035 ءىرى قارا، ونىڭ ىشىندە 9 597 باس سيىر، 32 472 باس قوي مەن ەشكى، 12 377 باس جىلقى مالى وسىرىلەدى.  مال باسىنىڭ ءوسۋ دەڭگەيى وتكەن جىلعىمەن سالىستىرعاندا ءىرى قارا 104 پروتسەنتكە، ونىڭ ىشىندە، سيىر 101، جىلقى مالى 102 پروتسەنتكە وسكەن. قوي مەن ەشكى مالى 114،5 پروتسەنتتى قۇراعان. ەگەر بوس جاتقان جەرلەر تولىق يگەرىلسە، مال باسىن ءالى دە كوبەيتىپ، نۇر-سۇلتان قالاسىن ازىق-ت ۇلىكپەن قامتاماسىز ەتۋگە زور ۇلەس قوسار ەدى.  

 

قورعالجىن اۋدانى،

اقمولا وبلىسى.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

ۇقساس جاڭالىقتار