سونداي-اق اۋداندا ەلوردانى ازىق-ت ۇلىكپەن قامتۋ باعىتىندا 25 جوبا ىسكە اسىرىلعان. تۇرعىندار سانى دا كوپ. ەسەپ بويىنشا 70 مىڭنان استام تۇرعىن تىركەلسە, شىن مانىندە بۇدان ەكى ەسە ارتىق.
– تسەلينوگراد اۋدانى وتكەن جىلدىڭ قورىتىندىسى بويىنشا مەملەكەتتىك بيۋدجەتكە 10,4 ميلليارد تەڭگە قارجى قۇيعان. بۇدان بەس جىل بۇرىن ەكى ەسە از تولەمدەر تۇسەتىن,– دەيدى اۋدان اكىمى مالعاجدار تاتكەەۆ.
وتكەن جىلى رەسەي مەن قازاقستان اراسىنداعى ايماقارالىق ىنتىماقتاستىق فورۋمىندا جاسالعان مەموراندۋمعا سايكەس قابانباي باتىر اۋىلدىق وكرۋگىندە قۇنى 30 ميلليارد تەڭگەنى قۇرايتىن كۇن ەلەكتروستانتسياسىنىڭ قۇرىلىسى باستاۋ الماق. سونداي-اق, اۋداندا «قاراپايىم زاتتار ەكونوميكاسى» باعدارلاماسىنىڭ اياسىندا 7 جوبا ىسكە اسقان. باس قالانىڭ ىرگەسىندە ورنالاسقاندىعى باستى سەبەپ بولسا كەرەك, وڭىردە قۇرىلىس سالاسى قارقىندى دامۋدا. ماسەلەن, وتكەن جىلى 214 مىڭ شارشى مەتر تۇرعىن ءۇي قۇرىلىسى پايدالانۋعا بەرىلسە, اعىمداعى جىلى 23 ەلدى مەكەندە ۇزىندىعى 430 شاقىرىمدى قۇرايتىن جولدىڭ قۇرىلىسى باستالماق. سونىمەن قاتار شاعىن جانە ورتا كاسىپتى دامىتۋ دا قولعا الىنعان.
– «باستاۋ بيزنەس» جوباسى بويىنشا 258 ادام وقۋدان ءوتتى. جاڭا بيزنەس-يدەيالاردى ىسكە اسىرۋ ءۇشىن 100 ايلىق ەسەپتىك كورسەتكىشكە دەيىن 45 ادام, 200 ايلىق ەسەپتىك كورسەتكىشكە دەيىن 77 ادام گرانتتار الدى, 71 كاسىپكەر شاعىن نەسيە الدى,– دەيدى تسەلينوگراد اۋدانىنىڭ اكىمى مالعاجدار تاتكەەۆ.
اقمولا وبلىسى.
