بۇل كۇندەرى جاعدايدى باقىلاۋدا ۇستاۋ ءۇشىن مەگاپوليستە ۇزدىكسىز جۇمىس ءجۇرىپ جاتىر. قالا اكىمىنىڭ ورىنباسارى ەرجان باباقۇماروۆتىڭ توراعالىعىمەن الماتى حالىقارالىق اۋەجايىندا كوروناۆيرۋستى ينفەكتسيانىڭ الدىن الۋ جونىندەگى ايماقتىق شتابتىڭ كوشپەلى وتىرىسى ءوتتى.
كوشپەلى وتىرىس اۋەجايدا جۇرگىزىلەتىن سانيتارلىق-گيگيەنالىق جانە پروفيلاكتيكالىق ءىس-شارالاردى باعالاۋ, تۋريستىك فيرمالاردىڭ, تۋريستىك بۋدكا مەن تۋرپوليتسيانىڭ جۇمىسىن تەكسەرۋدى كوزدەيدى.
سانيتارلىق-گيگيەنالىق رەجيمدى كۇشەيتۋ جانە كوروناۆيرۋستى ينفەكتسيانىڭ الدىن الۋ ماسەلەلەرى بويىنشا ۇسىنىستار بەرىلدى. سونىمەن قاتار «№4 قالالىق كلينيكالىق اۋرۋحانا» شجق مكك-نىڭ شۇعىل مامانداندىرىلعان مەديتسينالىق كومەك كورسەتۋ بويىنشا دايىندىعى, 3h (ترياج) جۇيەسى بويىنشا قابىلداۋ بولىمشەسىنىڭ جۇمىسى, سونداي-اق كوروناۆيرۋستى ينفەكتسياعا كۇدىكتى ادامداردى انىقتاۋ جاعدايىنا دەن قويۋ شارالارى تەكسەرىلدى.
الماتى
