ايماقتار • 08 اقپان، 2020

الماتىعا 24 قاڭتار مەن 7 اقپان ارالىعىندا قىتايدان 6792 ادام كەلدى

260 رەت كورسەتىلدى

قالا اكىمدىگىنىڭ ءباسپاسوز ورتالىعىندا وتكەن بريفينگتە قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ الماتىدا قاۋىپتى ايماقتان كەلۋشىلەردى باقىلاۋ جالعاسىن تاۋىپ، باقىلاۋعا الىنعانداردىڭ بارلىعىنىڭ جاعدايى قاناعاتتانارلىق دەپ مالىمدەدى.

وڭىرلىك شتابتىڭ تاراتقان مالىمەتى بويىنشا، الماتىنىڭ مەديتسينالىق ۇيىمدارى كوروناۆيرۋستىق ينفەكتسيانى اكەلۋ جانە تاراتۋ بويىنشا ەپيدەمياعا قارسى ەسكەرتۋ مەن الدىن الۋ ءىس-شارالارىنا تولىق دايىندالدى. قالانىڭ مەديتسينالىق ۇيىمدارى جرۆي، تۇماۋدىڭ الدىن الۋ بويىنشا ءىس-شارالارىن جالعاستىرىپ وتىر.

اتاپ ايتقاندا، ەمحانالاردا كۇن سايىن تاڭعى ساعات 08.00-دەن كەشكى 20.00-گە دەيىن، ال دەمالىس كۇندەرى تاڭعى 09.00-دان 18.00-گە دەيىن ۆيرۋستىق رەسپيراتورلىق اۋرۋلار، تۇماۋ، اۋىر رەسپيراتورلىق ينفەكتسيالار بەلگىسىمەن كلينيكالىق مەديتسينالىق كومەككە جۇگىنەتىن ەمدەلۋشىلەردى تەكسەرەتىن ءفيلترلى پوستتار بار.

تەگىن مەديتسينالىق كومەكتىڭ كەپىلدىك كولەمى بويىنشا جۇمىس ىستەيتىن قالالىق جەكەمەنشىك ەمحانالاردا، جرۆي جانە تۇماۋعا ۇقساس اۋرۋلار، اۋىر رەسپيراتورلىق ينفەكتسيا بەلگىلەرىمەن مەديتسينالىق كومەككە جۇگىنگەن ەمدەلۋشىلەرگە، قان مەن جاعىندى تالداۋىن قامتاماسىز ەتەتىن جاعدايلار جاسالعان. تالداۋلار قوسىمشا زەرتتەلۋگە ورتالىق رەفەرانس-زەرتحاناسىنا جانە عىلىمي ساراپتاما ورتالىعىنا جىبەرىلەدى.

«كوروناۆيرۋس سيمپتومى انىقتالعان جاعدايدا ەمدەلۋشى بەلگىلەنگەن كەستە بويىنشا مامانداندىرىلعان ستاتسيونارعا تاسىمالدانادى. ول تۋرالى دەرەۋ حابارلانىپ، تولىقتاي وقشاۋلانادى. مەديتسينالىق ۇيىمداردا ءدارى-دارمەكتەردىڭ، جابدىقتاردىڭ بارلىق قاجەتتى قورى، زالالسىزداندىرۋ قۇرالدارىنىڭ باكتەرياعا قارسى جانە ۆيرۋسقا قارسى پرەپاراتتاردىڭ قورى جەتكىلىكتى»، – دەدى تىلەۋحان ابىلداەۆ.

سونداي-اق، قوعامدىق دەنساۋلىق ساقتاۋ باسقارماسىمەن بيىلعى 4 اقپاننان بەرى باكتەريالىق تەحنيكالىق جابدىقتاۋ جانە ءدارى-دارمەكپەن قامتاماسىز ەتۋ كابينەتتەرىنىڭ سۇزگى جاعدايىن تەكسەرۋ ءۇشىن العاشقى مەديتسينالىق-سانيتارلىق كومەك كورسەتەتىن بارلىق مەديتسينالىق ۇيىمدارعا كۇندەلىكتى مونيتورينگ جۇرگىزۋ باستالدى.

جالپى قالانىڭ جۇقپالى ستاتسيونارلارىندا قحر-دان كەلگەن 51 ادام تەكسەرىلدى. بيىلعى 7 اقپاندا ستاتسيونارلاردا جرۆي جانە تۇماۋ دياگنوزىمەن 5 ەمدەلۋشى بولسا، ونىڭ ەكەۋى بايلانىستاعى اتا-انا. جالپى، بۇگىندە 29 ەمدەلۋشى جاتقىزىلسا، سونىڭ 24-ءى ەمدەلىپ شىقتى. ىشىندە 11 ەرەسەك ادام، 9 بالا جانە 4 قارىم-قاتىناستاعى اتا-انا. رەسپۋبليكالىق ەلەكتروندى دەنساۋلىق ساقتاۋ ورتالىعىنان الىنعان نەگىزگى ءتىزىم بويىنشا، الماتى قالاسى بويىنشا بيىلعى 24 قاڭتار مەن 7 اقپان ارالىعىندا قىتايدان كەلگەندەر سانى 6792 ادامدى قۇرادى. باقىلاۋعا الىنعانداردىڭ بارلىعىنىڭ جاعدايى قاناعاتتانارلىق.

 

 

الماتى

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار