ايماقتار • 08 اقپان، 2020

الماتى اۋەجايىندا ەرىكتىلەر كوروناۆيرۋستىڭ الدىن الۋ ءۇشىن جادىنامالار تاراتتى

167 رەت كورسەتىلدى

الماتى اۋەجايىندا ەرىكتىلەر كوروناۆيرۋستىڭ الدىن الۋ ءۇشىن 3 مىڭنان استام جادىناما تاراتتى. بۇل تۋرالى قالا اكىمدىگىنىڭ ءباسپاسوز ورتالىعىندا وتكەن ءباسپاسوز ماسليحاتىندا قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا مالىمدەدى.

بۇگىندە الماتى قالاسىنىڭ اۋەجايىندا كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى وڭىرلىك شتابتىڭ شەشىمىمەن ماماندار حالىقارالىق رەيستەرمەن كەلەتىن ازاماتتارعا تاۋلىك بويى ەپيدەميولوگيالىق باقىلاۋ جۇرگىزىپ كەلەدى.

ماقساتى – كوروناۆيرۋستىق ينفەكتسياعا كۇدىكتى ادامداردى جەدەل انىقتاۋ، سونداي-اق، قالاعا كەلگەن بارلىق جولاۋشىلارعا ينكۋباتسيالىق كەزەڭدە مەديتسينالىق باقىلاۋ ورناتۋ. ول ءۇشىن جولاۋشىلار ۇشاقتىڭ بورتىندا بايلانىس دەرەكتەرى كورسەتىلگەن كارانتيندىك دەكلوراتسيانى تولتىرادى. بۇدان كەيىن شەكارالىق باقىلاۋدا قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ماماندارىنىڭ كومەگىمەن تەپلوۆيزور باقىلاۋىنان ءوتىپ، دەنە تەمپەراتۋراسىنىڭ كورسەتكىشىن كورسەتەدى.
«الماتى قالاسىنىڭ اۋەجايىنا 250 اۋە رەيستەرى كەلدى. 29 ناۋقاس انىقتالىپ، جۇقپالى اۋرۋلار ەمحاناسىنا جاتقىزىلدى. 24-ءى ەمدەلىپ شىقتى. كوروناۆيرۋستىق ينفەكتسيا تىركەلگەن جوق»، – دەپ مالىمدەدى ا. مولداعاسىموۆا.
سونداي-اق، اۋەجاي اۋماعىنداعى قوعامدىق تاماقتانۋ، ساۋدا جانە قىزمەت كورسەتۋ نىساندارىندا ەپيدەمياعا قارسى رەجيمنىڭ ساقتالۋى، مەديتسينالىق بەتپەردەلەردىڭ جانە زالالسىزداندىرۋ قۇرالدارىنىڭ بولۋى جانە ونىڭ قولدانىلۋى باقىلاۋعا الىندى.

«بەتپەردە كيۋ ءتارتىبىنىڭ بۇزىلۋى انىقتالىپ، 15 كاسىپكەرگە ەسكەرتۋ حاتتارى بەرىلدى. اۋەرەيس جولاۋشىلارىنا جادىناما تاراتۋ باقىلاۋعا الىندى. سونداي-اق كوروناۆيرۋستىق ينفەكتسيا تۋرالى جانە وعان قارسى ساقتىق شارالاردىڭ مەكەمە ىشىندەگى تەلەديدار ارقىلى بەينەجازبالار مەن ماتىندەردىڭ ۇزدىكسىز كورسەتىلۋى باقىلاۋعا الىندى.

بۇگىنگى تاڭدا الماتى قالاسى اۋەجايىنىڭ ۇشۋ زالىندا جولاۋشىلارعا 3220 جادىناما تاراتىلدى. ءار 15-20 مينۋت سايىن تەلەارنالار مەن راديو ارقىلى ساقتىق شارالارى ترانسلياتسياسى بەرىلۋدە»، –دەدى ا. مولداعاسىموۆا.
ايتا كەتۋ كەرەك، ەرىكتىلەر ۇيىمدارى دا قولداۋ ءبىلدىرىپ، ينفەكتسيانىڭ الدىن-الۋ ءىس-شارالارىن جۇزەگە اسىرۋدا بەلسەندىلىك تانىتتى. اقپاراتتىق جادىناما پاراقتارىن تاراتتى.

«اۋەجايدىڭ ۇشۋ زالىندا ەرىكتىلەردىڭ كومەگىمەن 3 مىڭنان استام جادىناما تاراتىلدى»، – دەدى الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا.

7 اقپانداعى جاعداي بويىنشا الەمدە 30840 كوروناۆيرۋس جاعدايى تىركەلگەن. ونىڭ 633-ءى ولىمگە (2،1%) دۋشار بولدى. نەگىزىنەن قحر-دا تىركەلگەنى 30569 جاعداي (99،1%). ينفەكتسيا تارالۋىنىڭ ءبىرلى-جارىم جاعدايلارى الەمنىڭ 27 ەلىندە كەزدەسەدى.

ينفەكتسيانىڭ كوبىرەك تاراعان جەرلەرى – جاپونيا (45 وقيعا)، سينگاپۋر (30 وقيعا)، تايلاند (25 وقيعا)، گونكونگ (24 وقيعا) جانە وڭتۇستىك كورەيا (23 وقيعا).

 

 

الماتى

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار