قوعام • 07 اقپان، 2020

الماتىدا بيىل جىلۋ ءتاريفى 18 پايىزعا ارزاندادى

25 رەت كورسەتىلدى

بۇگىن قالا اكىمدىگىنىڭ ءباسپاسوز ورتالىعى الاڭىندا تابيعي مونوپوليالاردى رەتتەۋ كوميتەتىنىڭ الماتى قالالىق دەپارتامەنتىنىڭ باسشىسى بولات سامبەتوۆ، ينۆەستيتسيالىق باعدارلامالار مەن جىلۋ-ەنەرگەتيكالىق سەكتور سۋبەكتىلەرىنىڭ تاريفتىك سمەتاسىنىڭ شىعىندارىن قايتا قاراۋعا بايلانىستى، 2019 جىلدىڭ 1 قاڭتارىنان باستاپ، حالىق ءۇشىن جىلۋ جۇيەلەرىنە سوڭعى تاريف 18%-عا تومەندەگەنىن حابارلادى. سونىمەن اكىمدىك پەن مونوپولياعا قارسى دەپارتامەنتىنىڭ باستاماسىمەن الماتىدا جىلۋ ءتاريفى كوتەرىلمەيدى.

دەپارتامەنتتىڭ اقپاراتىنا سايكەس، 2017 جىلى قۇزىرەتتى ورگانمەن «الماتى جىلۋ جۇيەلەرى» جشس قىزمەتتەرىنە 2021 جىلعا دەيىن تاريفتەردىڭ شەكتى دەڭگەيلەرى بەكىتىلگەن. 1 قاڭتاردان باستاپ حالىق ءۇشىن جىلۋ ءتاريفىنىڭ 3%-عا جوسپارلى ءوسۋى كۇتىلگەن. ودان بولەك، تۇتىنۋشىلاردىڭ ورتاق جىلۋ ەنەرگياسىن ەسەپكە الۋ قۇرالدارىمەن قامتىلۋى 94%-عا دەيىن ارتتى. جەاق ورناتقاندار، ءتاريفتى 36% تومەن تولەيتىندەر ساناتىنا ءوتتى. وسىعان بايلانىستى، جىلۋمەن قامتۋ ۇيىمدارى ديفەرەنتسيالدى تاريفتەر كولەمىن قايتا قاراۋعا ءوتىنىش بەرە الادى.

«الايدا، دەپارتامەنت پەن اكىمدىكتىڭ باستاماسىمەن، بارلىق تۇتىنۋشىلارعا بولىنەدى دەپ بولجانعان بار جۇكتەمە بيۋدجەت ەسەبىنەن قارجىلاندىرىلاتىن ۇيىمدارعا جىبەرىلدى. بۇل شەشىم جىلۋ ءتاريفىن تەجەۋگە مۇمكىندىك بەردى»، – دەپ ءتۇسىندىردى بولات سامبەتوۆ.

سونىمەن قاتار بريفينگ بارىسىندا بولات سامبەتوۆ جۋرناليستەردىڭ تۇبىرتەكتە بەلگىسىز باعالار بولعان جاعدايدا تۇتىنۋشىلار نە ىستەۋ كەرەك دەگەن سۇراعىنا جاۋاپ بەرە وتىرىپ، مونوپولياعا قارسى كوميتەتكە جۇگىنۋگە كەڭەس بەردى.

«ەگەر تۇتىنۋشىعا تولەماقى ارتىعىمەن كەلسە، مۇنداي جاعدايدا مىندەتتى تۇردە تابيعي مونوپوليالاردى رەتتەۋ كوميتەتىنە جۇگىنۋ كەرەك. مۇندا، بارلىق شوتتار تەكسەرىلەتىن بولادى. ەگەر جوسپارسىز كوتەرىلگەنى راستالسا، مونوپوليست ايىپپۇل تولەيدى. قاراجات تۇتىنۋشىلارعا قايتارىلاتىن بولادى. بىزدە ايىپپۇل مولشەرى جوعارى، سوندىقتان مونوپوليستەر ونى بۇزباۋعا تىرىسادى»، – دەدى تابيعي مونوپوليالاردى رەتتەۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات سامبەتوۆ.

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار